اسلام آباد۔26ستمبر (اے پی پی) په انسټی ټیوټ آف سټریټجک سټډیز (آئي اېس اېس آئي) كښې “د پاکستان آثار قدیمه او تهذیبی ورثې” سرخط لاندې نړيوال كنفرنس په 30 ستمبر كيږي۔ د جاري شوي بيان له مخې د پخوانو تهذيبونو د مركز په توګه پاکستان زرګونه كاله پخوانۍ ګڼ اړخيزه ورثه لري په كومه كښې چې د وادی سندھ تهذیب او د بدھ مت ګندھارا تهذیب شامل دے۔ پاكستان په موهنجو داړو او هړپه او په پخوانو تاريخي ښارونو ټېکسلا، سوات او تخت بھائی كښې د آثار قديمه مشهور ځايونه لري ٬ دغسې د وادي سندھ تهذيب د پخوانو مصري تهذيبونو همزولے ؤ۔ د 6 آثار قديمه عجائبات د يونېسكو نړيوالې كلتوري ورثې سائتس په توګه نامزد كړې شوي دي۔ د بيان له مخې نړيوال كنفرنس به پالېسي خبرو لپاره د يو پلېټ فارم په توګه كار كوي۔ په كنفرنس كښې ګډون كوؤنكي به د سېلګرۍ د ماډلز او نړيوالو غوره تګلارو بشپړه تجزيه كوي۔ د كنفرنس مقصد د پاكستان د آثار قديمه او تهذيبي ورثې نړيوال اهميت په ډاګه كول او دا تد تلپاتې سېلګرۍ پرمختګ لپاره متحرك كول دي۔
