اسلام آباد 23 ستمبر (اے پي پي) د سېنېټ چيئرمېن سيد يوسف رضا ګېلاني د سعودي عربستان د 94مې قامي ورځې په موقع شهزاده محمد بن سلمان له مباركي وركولو سره سعودي مشرانو او اولس لپاره د نېكو هيلو څرګندونه كړې ده۔ د سېنېټ سېکرټرېټ له مخې چيئرمېن يوسف رضا ګېلاني ووئيل د دواړو هېوادونو ترمينځه د ورورولۍ په اړيكو وياړ لرؤ ٬ زمونږ په زړونو كښې د سعودي عربستان او اولس لپاره مينه او احترام دے٬ د سعودي مشرتابه د موثره حکمت عملۍ په سبب چې سعودي كوم رفتار سره پرمختګ كړے د ستائنې وړ دے۔ سيد يوسف رضا ګېلاني ووئيل د دې ورځې مناسبت سره د سعودي قيادت او اولس له مباركي وركوم او دوي لپاره د نېكو هيلو څرګندونه كوم۔ چيئرمېن د سعودي عربستان د قامي ورځې په موقعه خپل پېغام كښې په هر فورم د سعودي عربستان د ملاتړ جاري ساتلو عزم تكرار كړو۔ ده ووئيل سعودي عربستان په هر مشكل وخت كښې د پاكستان مرسته كړې٬ د دواړو هېوادونو ترمېنځه اړيكې وخت تېرېدو سره لا قوي كيږي
