اسلام آباد۔3اکتوبر (اے پی پی) داخله وزير محسن نقوي د پي ټي آئي مشرتابه ته تر 17 اكتوبر د احتجاج مؤخر كولو مشوره وركولو سره وئيلي دي چې احتجاج كول د هر چا حق دے خو د هيواد د بدنامولو په قيمت به چاته د سياست اجازه وركولې نه شي ٬ كله چې په پاكستان كښې د ملائيشيا وزيراعظم موجود وي ٬ د سعودي عربستان د اعلی كچې پلاوي او د چينائي صدر راتلل وي او د اېس سي او كنفرس كېدل وي نو په داسې وخت كښې د احتجاج كولو مطلب څه وي؟ مونږ له د سېكورټي انتظاماتو ته كتل دي ٬ كه نن د جمعې په ورځ څوك احتجاج كوي نو هغوي سره به هېڅ ډول نرمي كولې نه شي٬ د كے پي كے وزراعلی يو ښه انسان دے هغه له به دې پرېكړې ته بيا كتنه كول وي۔ په اسلام آباد د بريد به په هر صورت كښې مخنيوي كوؤ۔ ده د زيارت په ورځ خبري كنفرنس ته خطاب كولو۔ ده ووئيل په اسلام آباد كښې دفعه 144 نافذ ده، د قانون له مخې د جلسې ځاي شته ٬ درخواست دې وكړي او د قانون له مخې دې جلسه وكړي۔ په دې موقع وفاقي سيکرټري داخله آغا خرم ، آئي جي پي اسلام آباد او د ډپټي کمشنر پشمول نور چارواكي هم موجود وو۔
