اسلام آباد۔15نومبر(اے پی پی) د تعليم او پېشه ورې تربيې وفاقي وزارت او د نېشنل بک فاؤنډېشن تر اهتمام لاندې درې ورځنې پاكستان لرننګ فیسټیول د جمعې په ورځ اسلام آباد کالج فار بوائز(آئی سی بی) جی 6/3 كښې پېل شو۔ د زده كړو وفاقي وزير خالد مقبول صدیقی د فېسټول د پرانستې دستورې په موقعه خاص مېلما ؤ۔ په دستوره كښې د منصوبه بندۍ وفاقي وزير پروفېسر احسن اقبال، د زده كړو سېكرټري محی الدین احمد وانی او د زده كړو وزارت د ذېلي ادارو چارواكو سره سره استاذان او ګڼ شمېر طالبعلمانو هم ګډون وكړو۔ وفاقی وزیر خالد مقبول صديقي د لګولې شوو بېلو سټالونو دوره وكړه او هغې كښې يۍ ژوره خوښي ښكاره كړه۔ په دې موقعه د زده كړو سېكتر محي الدين احمد واني وفاقي وزير ته د فيسټول په اړه بريفنګ وركړو۔ ده ووئيل دا د پاكستان د تاريخ تر ټولو لوئے تعليمي فيسټول دے٬ په فیسټیول كښې معلومات يو بل سره ګډولو سره سره ٬ د كيسو ليكلو ٬ معلوماتي فلمونو ٬ د كتابونو مېلې ٬ عصري تكنيكي تربيې او د ټېكنالوجۍ په شمول د زده كوؤنكو د خوښې فعاليتونه هم شامل كړې شوي دي۔ ده ووئيل د فیسټیول په اولنۍ ورځ 20 څخه تر 25 زره زده كوؤنكو ګډون كړې دې او هيله ده چې په راروانو درې ورځو كښې به درې لكه څخه زيات زده كوؤنكي د دې فيسټول برخه جوړ شي۔ ده ووئيل په فيسټيول كښې د پنډۍ ٬ اسلام آباد سره سره د ګلګت بلتستان زده كوؤنكي هم ګډون كوي
