ملګري ملتونه ۔3 اکتوبر(اے پی پی) پاكستان د ملګرو ملتونو عمومي سېكتر انتونيو ګوترېش يو نه خوښېدونكے شخصيت ګرځولو او دده هېواد ته په داخلېدو بندېز سره د اړوند اسرائيلي اقدام غندنه كړې ده۔ په ملګرو ملتونو كښې د پاكستان مستقل استازي منېر اكرم اے پي پي سره يوه مركه كښې ووئيل زمونږ هېواد د يو اېن عمومي سېكتر سره ولاړ دے او د منځني ختيځ وضعې او په خاص توګه په غزه او لبنان كښې د اسرائيلي جارحيت په ضد د ملګرو ملتونو د مشر د اصولي او مېړني دريځ ستائنه كوي۔ پاكستاني استازي ووئيل مونږ د ملګرو ملتونو د عمومي سېكتر او د هغه د ادارې په ضد د اسرائيل د جواز نه لرونكو او په درغو د اډانه بريدونه سخته غندنه كوؤ۔ ده ووئيل سپكاورې او بدسلوكي د بريد كوؤنكو او جابرانو هتھيار دے۔ دا خبره دې ښكاره وي چې په غزه كښې د اسرائيلي جارحيت د لاسه 41 زره څخه زيات فسطيني وګړي شهيدان شوي دي په كومو كښې چې زياتره مېرمن او كوچنيان شامل دي۔ د لبنان په ضد اسرائيلي جارحيت د زرګونو كسانو وژل كېدو سره سره په لويه كچه د خلكو د كډې كولو سبب ګرځېدلے دے۔
