اسلام آباد 10 اکتوبر (اے پي پي) د پټروليم وفاقي وزير ډاکټر مصدق مسعود ملك وئيلي دي پاکستان سعودي عرب سره اړيكې په پرمختيائي شراكتدارۍ بدلول غواړي٬ پاكستان كښې سرمايه كارۍ ته د ودې وركولو يو شمېر موقعې موجود دي ٬ خاص سرمايه كاري سهولت كونسل (اېس آئي اېف سي) به سعودي سرمايه کارو ته بشپړه مرسته وركړي٬ په سعودي عرب كښې د پټروليم خام مال بلها وسائل موجود دي او پاكستان د پټروليم مصنوعات د استعمال لوي ماركيټ دے۔ د زيارت په ورځ د پاکستان سعودي عرب بزنس فورم ته خپلې وېنا كښې ده ووئيل په دې كښې شك نشته چې پاکستان او سعودي عرب د ورورولۍ تاريخي اړيكې لري او د پاکستان مقصد سعودي عرب سره د اوږدې مودې تاريخي او كلتوري اړيكې په شراكتدارۍ بدلول دي۔ ده د فوډ سکيورټي، اقتصادي پرمختګ او توان تحفظ غوندې څانګو كښې مرستې ته لا ودې وركولو له خپله خوښي څرګنده كړه۔ ده ووئېل د سعودي عرب وژن ګروتھ او د پاکستان وژن ايکسپورټ دے، صنعتي انقلاب راروان دے كوم لپاره چې دواړه هېوادونه په ګډه مخ په وړاندې تللو لپاره چمتو دي۔ وفاقي وزير ووئيل د پاکستان ترجيحات برآمدات ته وده وركول، خپل معيشت متنوع كول، ترسيلات زر زياتول، د روزګار موقعې پيدا کول او پېداواري صلاحيت زياتول دي او د سعودي عرب ترجيحات ترقي، تنوع، د توان په اړه مخ په وړاندې تګ او نوې تقاضې پورا كول دي۔ ده ووئيل پاکستان کاروباري اسانيو پلو پام ګرځولے ٬ د”ريډ ټېپ څخه ريډ کارپټ” پلو منتقل كېږو٬ د ټيکس ټو جي ډي پي تناسب د لارې د غربت په كمي كار كوو ۔ ده ووئيل د سعودي عرب وژن 2030 د هيلو يوه اېكسپرېس وے ده او پاكستان په سوله ايز ګاٶنډ كښې تل پاتي پرمختګ لپاره هڅې كوي۔ ده ووئيل سعودي عرب پاکستان كښې د سېلګرۍ موقعو څخه استفاده كولې شي٬ زمونږ د شمالي سيمو ښكلا مثالي ده٬ دلته مائنګ ريسورسز هم شته چې سعودي ترې مستفيد كېدے شي۔ مصدق ملك ووئيل سعودي عرب په انفارميشن ټيکنالوجي او د مصنوعي ذهانت په څانګو كښې وده كوي او ټيکنالوجي لپاره نوے بزنس ماډل ترتيبوي كوم لپاره چې آئي ټي ايکسپرټ پكار دي او پاکستان په دې لړ كښې بهترين انجينئرز لري۔ وفاقي وزير ووئيل پاکستان له په سړكونو٬ رېلوے او انفراسټركچر كښې پرمختګ ته ضرورت دے او په دې څانګو كښې سعودي عرب زمونږ مرسته كولې شي٬ پاكستان سعودي ته هنر مند افرادي قوت وركولې شي ۔ ده د سعودي عرب وژن 2030 نور وضاحت وكړو چې پكښې 13 ستراتېژك څانګو پلو پام ګرځولے شوے چې پكښې ايوي ايشن، آټوموټيو، کنسټرکشن، کنزيومر ريټيل،، مالياتي خدمات، خوراك او زراعت، کان کني، رئيل اسټيټ، ټيلي کام، ميډيا اينډ ټيکنالوجي، ټرانسپورټ، هيلتھ کيئر، او د توان څانګې شاملې دي ۔ ډاکټر مصدق ملك په دې موقع د پاکستان دوره كونكي سعودي عرب پلاوي مننه كولو سره ووئيل زمونږ كاميابي ستاسو كاميابي ده ٬ مونږ به په ګډه انقلاب راولو
