اسلام آباد 14 اکتوبر (اے پي پي) د سېنېټ چيئرمېن سيد يوسف رضا ګيلاني د “وائټ سټك” نړيوالې ورځ په موقع بصارت څخه د محرومو كسانو همت او استقامت ته پېرزوئنې وړاندې كولو سره وئيلي دي سپينه لخته بصارت څخه د محرومو كسانو لپاره د خود انحصارۍ، خود اعتمادۍ او آزادي علامت ده، د بصارت نه محروم كسان د هېواد او قام قېمتي اثاثه جوړولو لپاره د دوي ښه معاونت او د حقونو تحفظ ضروري دے۔ د سېنېټ سيکرټريټ لخوا د جاري بيان له مخې ده ووئيل د وائټ سټك ورځ بصارت څخه محرومو كسانو له د هر ډول ممكنه معاونت او ډاډګيرنې وركولو او دوي په قامي چوكاټ كښې د شاملولو ترغيب وركوي۔ ده ووئيل د بصارت نه محروم كسان زمونږ د ټولې يوه مهمه برخه ده٬ د دوي خېرښګړه او ډاډګيرنه زمونږ اجتماعي ذمه واره وه۔ ده زياته كړه كه د بصارت نه محرومو كسانو ته د تعليم، روزګار او په نورو څانګو كښې يو ډول موقعې وركړې شي نو دا كسان به د ټولنې په تعمير او ترقۍ كښې بشپړ كردار ولوبوي۔ ده ووئيل دا ورځ د دې عزم د تجديد وړ ده چې مونږ به بصارت څخه د محرومو كسانو د حقونو تحفظ او د دوي ژوند آسانولو لپاره هر ډول ممكن اقدامات كوٶ۔
