اسلام آباد 19 ستمبر (اے پي پي)صدر مملكت آصف علي زرداري شريكې څوكالۍ او په نړۍ كښې د امن او استحكام ودې لپاره د چين سره په ګډه كار كولو له د پاكستان د عزم پخلے كړے۔صدر مملكت د دې خيالاتو څرګندونه د زيارت په ورځ ځايې هوټل كښې د عوامي جمهوريه چين 75مې سالګرې په مناسبت سره د چين سفارتخانې تر سيوري لاندې د چين قامي ورځې استقباليې ته وينا كښې وكړه۔په دستوره كښې وزيراعظم شهباز شريف٬وفاقي وزيران٬پاكستان كښې د چين سفير٬غېر ملكي سفارتكارو٬د چين وګړو او اعلٰی سول او پوځي افسرانو ګډون وكړو۔صدر مملكت د سي پېك اهميت رامخې ته كولو سره ووئيل سي پېك د پاكستان او چين ترمينځه د ګڼ اړخيزه مرستې يو نوے اړخ معرفي كړے۔ده د دواړو هېوادونو اولس لپاره زياتې ګټې لپاره د سي پېك اعلٰی معيار په اهميت زور راوړو۔صدر مملكت په دې موقع د چين وګړو له مباركي وركولو سره ووئيل د وړومبي اكتوبر ورځ د يو قوي او متحده چين بيا جوړېدو نخښه ده كومه چې د كميونسټ ګوند په ښه قيادت كښې د چينائي اولس د مړانې هلو ځلو د لارې ترلاسه شوې۔صدر مملكت په دې موقع د پاك چين ملګرتيا په كوآپريټيو پارټنرشپ بدلولو او د نوو نسلونو د قدر وړ مرستې ذكر وكړو۔ده ووئيل د پاكستان او چين ترمينځه شراكتداري د رياستونو ترمينځه د اړيكو نمونې په توګه كار كوي او دا د دواړو هېوادونو لپاره د تحريك او طاقت ذريعه جوړېږي۔ده ووئيل چين او پاكستان وروڼه دي او ټول قام په دې وياړ لري ځكه چې دواړه هېوادونه په هر سخت وخت كښې د يوبل سره اودرېدلي۔ده هيله څرګنده كړه چې د نورو كاميابو ترلاسه كولو لپاره چمتو يو۔دې سره به نه يوازې پرمختګ ته وده ترلاسه شي بلكې د سياست٬معاشيات او د كلتور نړيواله منظرنامه به هم په مثبت انداز بدله كړی شي۔
