اسلام آباد 30 ستمبر(اے پی پی)د قامي اسمبلۍ سپيكر سردار اياز صادق د اسرائيل لخوا په فلسطين٬يمن او لبنان د بريدونو سخته غندنه كولو سره د ملګرو ملتونو څخه د سخت نوټس اغستو درخواست كړے۔د ګل په ورځ د غمرازۍ په بيان كښې ده د اسرائيل د لاسه د لبنان بې ګناه وګړو په قتل عام د غم دړد٬افسوس او غم جنو كورنيو سره د غمرازۍ او يو والي څرګندونه كړې۔د قامي اسمبلۍ سپيكر ووئيل د اسرائيل د لاسه د فلسطين او لبنان د بې ګناه وګړو په قتل عام مې زړه ډېر خفه دے٬د پاكستان اولس زړه د فلسطين او لبنان اولس سره درزېږي٬په دې سخت وخت كښې د پاكستان پارلمان او اولس د فلسطين او لبنان اولس سره د يووالي څرګندونه كوي۔ده ووئيل د اسرائيل د فلسطين او يمن نه پس په لبنان هوائي بريدونه په منطقه كښې د جنګي جنون ښكاره ثبوت دے٬د اسرائيل جارحانه رويه نه يوازې منطقې بلكې د ټولې نړۍ لپاره يو خطر كرځېدلے ۔ده ووئيل د اسرائيلي جنګي جنون د منطقې امن په خطر كښې اچولے دے٬په فلسطين كښې د 42 زره بې ګناه وګړو وژلو باوجود د اسرائيل جنګي جنون مكمل شوے نه دے٬ ده ووئېل د اسرائيل لاسونه د فلسطين او لبنان د بې ګناه ماشومانو او بزرګانو په وينو رنګ دي۔ده ووئيل اسرائيل د فلسطين نه پس په يمن او لبنان بريدونو كولو سره د نړۍ امن چېلنج كړے۔د قامي اسمبلۍ سپيكر ووئيل د اسرائيل ناوړه مقاصدو څخه د مينځني ختيز امن خطر سره مخ شوے ٬نيتن ياهو د ملګرو ملتونو په فورم نړۍ ته دړكې وركول تشويشناكې او د غندنې وړ دي۔ده ووئيل اسلامي نړۍ له به په فلسطين٬يمن او لبنان د اسرائيل بريدونو په ضد خپله خاموشي ختمول وي٬اسلامي نړۍ له به د اسرائيلي يرغل په ضد ښكاره غږ پورته كول وي۔
