اسلام آباد۔4 اکتوبر(اے پی پی) د ملائیشين وزیراعظم د پاكستان دورې سره به دوه اړخيزه تجارت وده ومومي ٬ د وزيراعظم ملائيشيا ته د حلالې غوښې برآمد د كال تر 200 ملین ډالرو رسولو وړاندېز د عمل وړ دے۔ د دې خيالاتو څرګندونه د فېډرېشن آف پاكستان چېمبرز آف كامرس اېنډ انډسټريز صدر عاطف اكرام شېخ د ملائيشيا وزيراعظم د پاكستان دورې په اړه خپل يو بيان كښې وكړه۔ ده ووئيل د فريقينو په دوه اړخيزه اقتصادي مرسته او د تجارتي عدم توازن په لرې كولو اتفاق خوشبين دے۔ د توان زياتېدونكي ضرورت ترسره كولو له په دې څانګه كښې د شريكو منصوبو ګنجائش شته۔ ده ووئيل د ملائیشیا او پاکستان ترمينځه د كركيلې په مېدان كښې مرستې ته د ودې وركولو زيات صلاحيت موجود دے۔ عاطف اکرام شېخ ووئيل حلال صنعت دواړو هېوادونو لپاره يوه مهمه څانګه ده په كوم كښې چې د مرستې پراخا موقعې موجود دي۔ سرټیفېکېشن، سټېډرډائزېشن او نوې ماركيټونو ته د رسېدو څانګو كښې مرستې ته وده وركولې كېدې شي۔ ده ووئيل د دوه اړخيزه مرستې د لارې نه يوازې خپلو معيشتونو بلكې ګردې اسلامي نړۍ ته ګټه رسولې كېدې شي
