اسلام آباد۔3اکتوبر (اے پی پی) د پاكستان او ملائيشيا وزيراعظمانو په تاريخي او د ورورولۍ په اړيكو د اطمينان څرګندونه كولو سره د دواړو هېوادونو ترمينځه په اولسي كچه رابطو ته د ودې وركولو ٬ تلپاتې سماجي او اقتصادي پرمختګ او تفاهم ته وده وركولو كښې د سېلګرۍ د صنعت او د ځوانانو د تبادلو په حاجت زور راوړے او په هوابازۍ او پروازونو كښې مرستې ته د پراختيا وركولو پرېكړه كولو سره سره يۍ د حلال مصنوعاتو په پروسېنګ كښې د همكارۍ په زياتولو اتفاق كړے دے۔ د وزیر اعظم آفس ميډيا ونګ لخوا د جاري شوي پرېس ريليز له مخې د پاكستان او ملائيشيا ترمينځه د پلاويو په كچه خبرې وشوې۔ د پاكستان وزيراعظم شهباز شريف او د ملائيشيا وزيراعظم انور ابراهيم د خپل خپل پلاوي مشري وكړه۔ دواړو وزيراعظمانو په تاريخي او د ورورولۍ په دوه اړخيزه اړيكو د اطمينان څرګندونه وكړه او په باقاعده توګه د اعلی كچې په تبادلو ٬ سټرېټجک ډائیلاګ او د دوه اړخيزه اداره جاتي تګلارې په مضبوطولو زور راوړو۔ په 8 نومبر 2007 کوالالمپور كښې د لاس ليك شوې ملائیشیا-پاکستان اقتصادی همكارۍ لوظنامې توثيق كولو سره فريقېنو د دوه اړخيزه اقتصادي همكارۍ په مضبوطولو ٬ تجارت زياتولو ٬ په مهمو څانګو كښې د مرستې په زياتولو او د تجارتي عدم توازن په لرې كولو موافقه وكړه۔ په دې اړه دواړو فريقو د جامع اقتصادي همكارۍ لوظنامې مشتركه جائزه كمېټۍ غونډې زر تر زره په رابللو اتفاق وكړو۔ دواړه د حلال مصنوعات په پروسېسنګ كښې د همكارۍ زياتولو ته هم سلا شول۔ د پاکستان لخوا د حلال مصنوعات طلب پوره كولو له ملائيشيا ته د حلالې غوښې برآمد زياتولو پېشكش هم وكړے شو۔ وزیر اعظم پاکستان څخه ملائیشیا ته د حلال ګوشت برآمد په كلنه توګه تر200 ملین ډالر رسولو وړاندېز وركړو۔ دواړو فريقو د خپلې ستراتيجيكي همكارۍ او د اګست په اولنۍ نېټه كال 1997 كښې د لاس ليك شوے دفاعي مرستې مفاهمت نامې په اړه د دفاعي تبادلو اهميت هم تكرار كړو۔ دوئي په نومبر 2023 كښې په اسلام آباد كښې په شوې 14مې د دفاعي مرستې شريكې كمېټۍ (جے سی ډی سی ) كښې شوې پرېكړې هم وستائلې۔ وزيراعظم شهباز شريف په آئيډياز 2024 كښې ګډون كولو له د ملائیشیاء د لوړې كچې پلاوي د رالېږلو پرېكړې هركلې وكړو۔ دواړو فريقو د لوړو زده كړو او د فني او پېشه ورې تربيې ادارو ترمينځه د تعليمي تړون او مرستې زياتولو په حاجت هم اتفاق وكړو۔ دوئي د دواړو هېوادونو ترمينځه په سېلګرۍ كښې د زياتوالي هم هركلې وكړو۔ دې نه ځانله د هوابازۍ او پروازونو په څانګه كښې د دوه اړخيزه مرستې زياتولو پرېكړه هم وكړې شوه۔ فريقېنو فلسطين او منځني ختيز كښې د روانې وضعې په شمول په مهم سيمه ايز او نړيوال پېشرفت هم د خيالاتو څرګندونه وكړه۔ وروستو دواړو وزيراعظمانو د مفاهمت په يادښتونو (اېم او یوز) د لاس ليك او د دوه اړخيزه مرستې د يو دستاوېز تبادلې دستوره كښې ګډون وكړو۔ د ټرېډ ډوېلپمنټ اتھارټی آف پاکستان (ټی ډی اے پی) او د ملائیشیا اېکسټرنل ټرېډ ډوېلپمنټ کوآپرېشن ترمينځه تجارتي مرستې له د تفاهم په يادښت او د پاکستان-ملائیشیا بزنس کونسل (پی اېم بی سی) او ملائیشیا-پاکستان بزنس کونسل (اېم پی بی سی) ترمينځه په حلال تجارت كښې مرسته كولو له د اېم او يو تبادله وكړې شوه۔ د پاکستان ټېلی کمیونیکېشن اتھارټی (پی ټی اے) او د ملائیشین کمیونیکېشن اېنډ ملټی میډیا کمېشن (اېم سی اېم سی) ترمينځه د مرستې يو دستاوېز هم لاس ليك كړے شو۔ وزیر اعظم شهباز شریف د ملائیشیا د وزیر اعظم او د هغه د پلاوي په درناوي كښې د غرمې مېلمستيا هم وكړه۔
