نیویارک۔25ستمبر(اے پی پی) وزيراعظم شهباز شريف وئيلي دي چې د تركيې صدر د ملګرو ملتونو عمومي اسمبلۍ كښې د فلسطين مسئله په موثره توګه وړاندې كړې ده كومه چې په هال كښې د ناست خلكو زړونو ته رسېدلې ده٬ مونږ اقتصادي چیلنجونه قبول كړل او په دې مو د پاك پروردګار فضل او كرم او بيا د حكومت او ټولو ادارو اجتماعي هڅو سره قابو موندلے دے۔ د وزيراعظم آفس ميډيا څانګې لخوا جاري شوي بيان له مخې وزيراعظم شهباز شريف د تركيې صدر رجب طيب اردوان سره د ملاقات نه پس ميډيا سره خبرو كښې ووئيل نن په ملګرو ملتونو كښې ترك صدر په زړه پورې وېنا وكړه ٬ ترك صدر سره په ملاقات كښې بشپړه خبرې وشوې ٬ د ترکيې صدر چې د فلسطين مسله په كوم ډول بيان كړه په هال كښې د ناست ټولو خلكو زړونه يۍ ولړزول۔ وزيراعظم ترك صدر له د هغه په خطاب مباركي وركولو سره ووئيل پاكستان او تركيه يو بل سره د ورورولۍ اړيكې لري ٬ ترك صدر سره د ورورولۍ اړيكو په ټولو اړخونو خبرې وشوې٬ ترك صدر به ډېر زر د پاكستان دوره وكړي۔ وزیراعظم زياته كړه چې سبا د آئي اېم اېف بورډ غونډه ده٬ د آئي اېم اېف شرطونه سخت وو خو مونږ ټول شرطونه پوره كړي دي۔ ده د چين ٬ سعودي عربستان او متحده عرب امارات د زړه له كومي مننه وكړه كومو چې په دې لړ كښې مرسته وكړه۔ ده ووئيل آئي اېم اېف لوظنامه حتمي پړاؤنو څخه تېرېږي۔ وزيراعظم ووئيل د آئي اېم اېف د ځينو شرطونو تعلق چين سره ؤ٬ د چين حكومت لكه د تېر وخت يو وارې بيا د پاكستان لاس مضبوط كړو٬ د چينائي مشرتابه مننه كوم۔ وزيراعظم ووئيل مونږ اقتصادي چیلنجونه قبول كړل او په دې مو د پاك پروردګار فضل او كرم او بيا د حكومت او ټولو ادارو اجتماعي هڅو سره قابو موندلے دے٬ معاشي اشاريو كښې ښه والې رامخې ته شوې دې۔ ده دعا وكړه چې پاك پروردګار دې مونږ په سم لوري روان ساتي او مونږ له دې د پاكستان د اولس تر خپله وسخت د خذمت كولو توفيق راكړي۔ امين
