اسلام آباد۔27ستمبر(اے پی پی) د قامي اسمبلۍ سپيكر سردار اياز صادق وئيلي دي چې سېلګرۍ ته وده وركول د هېواد سماجي او اقتصادي پرمختګ لپاره ضروري دے٬ د سېلګرۍ ترقۍ سره به په نړيواله كچه د پاكستان مثبت تشخص رامخے ته شي٬ د پاكستان په قدرتي حسن او كلتوري ورثه كښې سېلګري زياته خوښي لري۔ د جمعې په ورځ د قامي اسمبلۍ سېكرټرېټ لخوا د جاري شوي بيان له مخې سردار اياز صادق د سېلګرۍ نړيوالې ورځې په موقعه په خپل پېغام كښې ووئيل د سېلګرۍ وده د هېواد سماجي او اقتصادي پرمختګ لپاره ضروري ده۔ په پاكستان كښې د سېلګرۍ بلها موقعې د معيشت او كلتوري تبادلې په وده كښې مهم كردار ترسره كولې شي۔ ده ووئيل د سېلګري د معيشت په مضبوطيا او په بېلو كلتورونو كښې همغږۍ ته وده وركولو كښې مهم كردار ترسره كوي۔ سپيكر ووئيل موجوده حكومت د بېلو مذهبونو منونكو لپاره د هغوي تاريخي او مذهبي ځايونو ته د رسېدو په لړ كښې د غوره آسانيو برابرولو عزم لري۔ ده ووئيل د پاكستان قدرتي حسن او كلتوري ورثه كښې سېلګري زياته خوښي لري۔ د سېلګرۍ ودې سره به د روزګار موقعو او د ځايي آبادۍ تلپاتي پرمختګ او سوكالۍ كښې زياتوالې اوشي۔
