اسلام آباد 07 اکتوبر(اے پي پي) د مسلم لیګ (ن) صدر او پخواني وزیراعظم نواز شریف وئيلي دي چې د فلسطین په بے ګناه وګړو چې كوم ډول ظلم او زياتې روان دے د تاريخ بدترین مثال دے، د اسرائیل جارحیت په وړاندې خاموش پاتې كيدل د انسانیت ناکامي ده، لوئ لوئ نړيوال قوتونه د اسرائیل مرسته كوي، بايد دغه نړيوال قوتونه هم سوچ وكړي، ملګري ملتونه كه د فلسطین او کشمیر په مسئلو خپل قراردادونه عملي كولې نه شي نو داسې ادارې بيا څه لپاره دي، اسلامی هېوادونه لويے قوت دے،د نړۍ مسلمانانو له به په ګډه د غزہ او فلسطین په صورتحال د پريكړي وړ اقدامات كول وي۔ د ګل په ورځ ایوان صدر كښې د فلسطین او غزہ په صورتحال ټول ګونديز کنفرنس ته وينا كښې ده ووئيل مونږ نن دلته د يو مهم مقصد لپاره راجمع شوې يؤ ځكه چې نړۍ كښې دا مهال په يو خوفناك بربریت اډانه لرونكې معامله روانه ده، په فلسطینیانو چې څه ډول ظلم روان دے تاريخ كښې كوم مثال نه لري۔ده ووئيل فلسطینیان كوم پوځي طاقت نه لري،د هغوي ټول ښارونه او سيمي په كھنډرو كښې بدل شوي، بے ګناه ماشومان د خپلو مېندو په وړاندې شهيدان كولې شي ، تر دې چې دغه بے ګناه ماشومان د خپلو مېندو له غيږو څخه اخستلو سره شهيدان كېږي، دا ډول پېښي د كتلو نه دي، نړۍ په دې صورتحال خاموشه ده او دا يوه بشري مسئله نه ګڼي۔ نواز شریف ووئيل څه ډول چې د فلسطینیانو په سيمو غاصبانه قبضه شوې، په دې اړه د ملګرو ملتونو په قراردادونو عمل نه كېږي۔ده ووئيل وزیراعظم شهباز شریف د ملګرو ملتونو جنرل اسمبلۍ په غونډه كښې چې په كوم ډول د فلسطینیانو مقدمه وړاندې كړې په لويه كچه د هغه د خطاب ستائنه شوې۔ ده ووئيل داسې ښكاري چې ملګري ملتونه په خپلو قراردادونو د عملدرآمد کولو فكر نه كوي،د کشمیر په اړه هم په قراردادونو تر اوسه عملدرآمد نه دے شوے۔ ده ووئيل د فلسطین لارښود ارواښاد یاسر عرفات چې كله پاکستان ته راغلے ؤ نو زما سره ملاقات كښې هغه وئيلي ؤ زه ګڼم چې د فلسطینیانو وينه به رنګ راوړي، لوے څښتن هر څه ته ګوري، دا ظلم او بربریت به كه پاك پروردګار ته منظور وي ډير زر ختم شي او لوے څښتن به د مظلومه فلسطینیانو مرسته وكړي۔ده ووئيل اسلامی هېوادونه بايد په ګډه د دې معاملې په اړه د پرېكړي وړ اقدامات وكړي او په دې حقله ښه غور وكړي او هغې نه پس پرېكړه وكړي، اسلامی هېوادونه لويے قوت لري، هغوي كه خپل قوت اوس نه كاروي نو بيا به يۍ كله كاروي ، كه په دې اړه مونږ څه پالیسی جوړه نه كړه نو ټول ماشومان ، د هغوي مور پلار او زمونږ وروڼه او خوېندي به دا ډول شهيدان كولې شي۔ د اسرائیل په شا د لويو لويو نړيوالو طاقتونو لاس دے،بايد هغوي سوچ وكړي چې دا ظلم او بربریت بند كړې شي۔ده ووئيل زه د صدر مملکت د خیالاتو سره بشپړه اتفاق كوم،بايد مونږ اسلامی نړۍ سره رابطه وكړؤ، دا نه يوازې زمونږ بلكه د ټول پاکستان د اولس جذبات دي،په دې معامله دې نور تاخیر ونشي۔ده ووئيل پاکستان عمر له د فلسطینیانو سره ولاړ دے او كه پاك پروردګار ته منظور وي ولاړ به وي،د اسرائیلی جارحیت په وړاندې خاموشی اختیارول د انسانیت ناکامی ده
