ملګري ملتونه ۔23 اکتوبر(اے پی پی) پاكستان په نړيواله ورورولۍ زور راوړے چې هغه د ملګرو ملتونو تر سېوري لاندې د رائے حق كارولو د لارې د كشميري اولس د خپلواكۍ حق ترلاسه كولو او د دوئي د بشري حقونو په ضد د خلاف ورزو لړۍ ختمولو له مرسته وكړي۔ په ملګرو ملتونو كښې د پاكستان دوهم مستقل مندوب عثمان جدون په مقبوضه فلسطين كښې په روانه ناوړه وضعه هم د خيالاتو څرګندونه وكړه۔ پاکستانی مندوب د عمومي اسمبلۍ درېمه كمېټۍ كښې بشري حقونو ته د ودې او تحفظ په سرخط د راجوړې كړې مباحثې په مهال ووئيل په مقبوضه فلسطين سيمو كښې د غېر قانوني ودانيو لړۍ پراخه كول٬ د اسرائيلي قابض پوځ لخوا د طاقت په بې درېغه توګه كارول او د غزه ناكه بندي سنګينې خلاف ورزۍ دي كومو ته به چې نړيوالې ورورولۍ له خپل فوري پام ګرځول وي۔ د فلسطيني اولس په ضد د انسانيت په ضد د روانو جرمونو بايد مخنيوي وكړے شي۔ پاكستاني استازي ووئيل په مقبوضه جمو وكشمير كښې هم ضرورت څخه زيات طاقت كارول ٬ په جبري توګه د بې دركه كولو پېښې ٬ د خپل خوښې نظربندۍ او د رائے په څرګندونه بندېزونه د ملګرو ملتونو د بشري حقونو د هائي كمشنر او د بشري حقونو كونسل په ګڼ شمېر رپورټونو كښې درج دي۔ ده ووئيل دې خلاف ورزو كښې د 5 اګست 2019 ٬د هند يو اړخيزه ګامونو٬ څخه وروستو زيات شدت رامخې ته شوے۔ ده ووئيل پاكستان د’’ پېکټ آف دی فیوچر‘‘ وژن بشپړ ملاتړ كوي په كوم كښې چې د بشري حقونو ٬ تلپاتي پرمختګ او نړيوال انصاف لپاره د اجتماعي عزم پخلے شوے۔ پاكستاني مندوب ووئيل د اسلامو فوبیا، زینو فوبیا، او مهاجر مخالف جذبات په شمول د هر امتيازي سلوك مقابله كولو له دې نړيوالې هڅې لا قوي كړې شي او ټولو لپاره دې يو برابر بشري حقونه باوري كولو له هڅې يو په دوه كړې شي۔ پاكستاني مندوب سرفراز ګوهر د جمو و کشمیر په اړه د هند ادعاګانې رد كولو سره ووئيل تر كومې چې كشميري وګړو ته د خپلواكۍ حق ترلاسه شوے نه وي جمو وكشمير به يو شخړيزه سيمه بللې شي۔ ده ووئيل حقيقت دا دے چې د ملګرو ملتونو د سلامتي كونسل يو شمېر قراردادونه د دې د متنازعه حېثيت تصديق كوي۔پاکستانی مندوب ووئيل هند د ملګرو ملتونو د سلامتي كونسل د دغه قراردونو او د بشري حقونو د نړيوال قانون خلاف ورزي كوي۔ پاکستانی استازي هند د ترهګرۍ مركز ګرځولو سره ووئيل د هند لارښود د رياستي ترهه ګرۍ د سرپرستۍ كولو په پالېسۍ عمل كوي ، د ټی ټی پی (تحریک طالبان پاکستان) او بی ایل اے (بلوچستان لبریشن آرمی) په څير ترهګرو تنظيمونو ته فنډنګ او وسله وركوي۔ د دغې تنظيمونو په پاكستان كښې د بريدونو په نتيجه كښې زرګونو په شمېر بې ګناه كسان ٬ مېرمنې او كوچنيان وژلې شوي دي ۔ د کلبھوشن یادو په څير ايجنټانو په پاكستان كښې ترهګري خپره كړه۔ ده ووئيل په هند كښې د مسلمانانو د نسل كشۍ اولسي غوښتنې ٬ ګجرات ٬ ممبۍ او نوي ډيلي كښې د زرګونو په شمېر د بې ګناه مسلمانانو وژنه ٬ د مذهب په جبري توګه بدلول ٬ د بابري جومات په څير د سوؤنو په شمېر د نورو جوماتونو بې حرمتي او د دغې په ځاے مندرونه جوړول ٬ د سياسي لارښودو كركه خپرونكي تقريرونه او مسلمانانو ته ګرين وائرس وئيل په هند كښې معمول ګرځېدلے دے
