لاهور۔6 اکتوبر(اے پی پی)وزیراعظم شهباز شريف د پي ټي آئي د مظاهرچيانو لخوا په كاڼو د ويشلو په نتيجه كښې د اسلام آباد پوليس اهلكار عبد الحميد په شهادت د ژور غم دړد او افسوس څرګندونه كولو سره هدايت كړے دے چې په دغه پيښه کښې ککړ ټول کسان دې خپل انجام سره مخ كړې شي۔ د اتوار په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم د پېښې په سختو ټكو كښې غندنه كړې ده۔ وزيراعظم شهيد اهلكار لپاره د لوړو درجو دعا كولو سره غمجنې كورنۍ سره غمرازي ښكاره كړه۔ وزيراعظم ووئيل پي ټي آئي تل د احتجاج تر نامې لاندې د تشدد لاره خپله كړې ده۔ وزيراعظم ووئيل دې ګوند په تېر وخت كښې د سركاري ټي وي په ودانۍ بريد وكړو او د پارليمنټ هاؤس دروازه يۍ ماته كړه۔ وزيراعظم په دې پېښه كښې د ككړو ټولو كسانو خپل انجام سره د مخ كولو هدايت وكړو۔
