اسلام آباد۔20اکتوبر(اے پی پی) د قانون او انصاف وفاقي وزير اعظم نذير تارړ وئيلي دي وفاقي كابينې د 26 م آئيني بدلونونو د مسودې منظوري وركړې ده٬ په دې كښې د چيف جستس د تقررۍ د تګلارې وضاحت شوے دے ٬ د چيف جسټس د تقررۍ اختيار وزيراعظم نه كاروي بلكې هغه خپل دا اختيار پارليمان ته سپارلے دے٬ 12 كسيزه كمېټي به نامه فائنل كولو سره وزيراعظم ته لېږي٬ چیف جسټس به تر ريټائرمنټ يا تر درې كالو په خپل منصب پاتے كيږي ، د آئینی بدلونونو په مسوده كښې د جے يو آئي 5 وړاندېزونه وړاندې څخه په بدلونونو كښې موجود وو۔ ده د اتوار په ورځ پارليمنټ هاؤس څخه بهر وفاقي وزير عطاﺀ تارړ سره په ګډه ميډيا سره خبرې كولې۔ د قانون وفاقي وزير ووئيل له وفاقی کابینې څخه منظورېدو نه وروستو 26م آئيني بدلونونه به پارليمنټ كښې وړاندے كولے شي٬ دا هم هغه مسوده ده كومه چې خصوصي پارليماني كمېټۍ د رايو په اتفاق سره منظور كړې وه۔ پاكستان مسلم ليګ نون ٬ پي پي پي ٬ استحكام پاكستان ګوند ٬ عوامي نېشنل ګوند ٬ اېم كيو امې ٬ مسلم ليګ نون ضياﺀ ٬ بلوچستان عوامي پارټۍ او د نېشنل پارټۍ په شمول نورو اتحادي ګوندونو په بېلو وختونو كښې د خصوصي پارليماني كمېټۍ په غونډه كښې په دې مسوده اتفاق كړے دے۔ ده ووئيل بلاول بھټو زرداري زياتې هڅې كړې دي٬ هغه نه يوازې اتحادي بلكې د جے يو آئي په شمول ټولو اپوزيشن ګوندونو سره هم خبرې كړې دي۔ ده ووئيل په لاهور او كراچۍ كښې د مولانا فضل الرحمن قانوني ډلې سره بشپړه خبره شوې وه۔ په دې كښې پراخا اتفاق رايې رامخې ته كړې شوه ٬ دغې څخه وروستو د اتحادي ګوندونو باور ترلاسه كړے شو۔ ده ووئيل د جے يو آئي پاكستان چې كوم 5 وړاندېزونه وو هغه وړاندې څخه په مسوده كښې شامل وو۔ په دې كښې د اسلامی نظریاتی کونسل رپوټس ، د شریعت کورټ د سود په اړه پرېكړې او نورې چارې دي۔ كه په فلور يۍ جے يو آئي راوړي نو غور به پرې كولے شي۔ ده وئيل د آئيني بنچونو حوالې سره د سپريم كورټ په كچه او په صوبو كښې مېكنزم واضحه كړې شوې دې۔ په صوبو كښې د آئيني بنچونو لاجسټك تياري ضروري ده ، كه د صوبو اسمبليو مجموعي غړو 51 فيصد قرارداد منظور كړي نو دغلته به صوبائي آئيني بنچ جوړ كړے شي۔ د آئینی بنچونو د تشکیل اختیار به د چیف جسټس په مشرۍ كښې جوډيشل كمېشن سره وي۔ د ججانو تقرري د 18م ترميم څخه وروستو جوډیشل کمېشن كوي۔ د جوډيشل كمېشن نوے شكل داسے دے چې چیف جسټس (سپریم کورټ) ، څلور سینئر ججز سپریم کوټ، څلور پارلېمنټرین ،د قانون وزير او اټارني جنرل به ددې برخه وي ٬ په صوبائي جوډیشل کمېشن كښې به هېڅ ډول بدلون كولې نه شي۔ جوډیشل کمېشن به دا اختيار لري چې هغه رولز جوړولو سره د يو طريقه كار وضاحت وكړي۔ جوډیشل کمېشن به چیف جسټس او د صوبائی هائیکورټ چيف جسټس سره په ګډه د كاركردګۍ جاج اخستلې شي۔ ده ووئيل په قومی اسمبلۍ او صوبائي اسمبلۍ كښې 5 ٬ 5 ټینکیکل اېډوائرز د آئين له مخې لګولې شي۔ د چیف جسټس تقرری ددې پېكج برخه ده ٬ چيف جسټس لپاره به د درې تر ټولو زيات سينئر ججانو نامې ځي٬ په دې كښې به چيف جسټس تعينات كولے شي۔ د چيف جسټس د تقررۍ اختيار وزيراعظم نه كاروي بلكې هغه خپل دا اختيار پارليمان ته سپارلے دے٬ 12 كسيزه كمېټي به په كومه كښې به چې 8 د قامي اسمبلۍ غړي او 4 سېنېټران وي نامې فائنل كولو سره وزيراعظم ته لېږي۔ ده ووئيل د چیف جسټس موده تر ریټائرډمنټ يا درې كاله مقرر كړې شوې ده۔ ده ووئيل مونږ 6 مياشتې ډېره زياته خواري وكړه۔ په 100 بدلونونو مشتمل ټرائيل كښې تاخير ٬ اېف آئي آر ٬ ضمانت ٬ اخراج ٬ د پوهانو رپورټس په شمول 150 كاله څخه د ايسار كړې شوو څيزونو ښه كولو هڅه مو كړې ده۔ دا مسوده به كه پاك پروردګار ته منظور وي په راتلونكو ورځو كښې پارليمان ته وړاندې كړې شي۔
