نيو يارك 27 ستمبر (اے پي پي) وزيراعظم محمد شهباز شريف نامتو پاکستاني امريکن بينکرز ته د هېواد په انفراسټرکچر، توان، ټيکنالوجي او د زراعت په څانګو كښې د سرمايه كارۍ بلنه وركولو سره د غېر ملکي سرمايه کارو سهولت لپاره مستحکم ميکرو اکنامک ماحول برقرار ساتلو لپاره د حكومت د عزم پخلے كړے۔ د وزيراعظم آفس پريس ونګ لخوا د جاري اعلاميه له مخې وزيراعظم شهباز شريف سره د ملګرو ملتونو عمومي اسمبلۍ د 79مې غونډې په موقع نامتو پاکستاني امريکن بينکرز پلاوي وليدل٬ په پلاوي كښې جے پي مورګن، نيټيزس کارپوريشنز اينډ انويسټمنټس، سوميټومو مټسوئي بينکنګ کارپوريشن، ګولډ مين سيچس سټيزنز بېنك، ليزارډ، آوډيکس ګروپ پشمول د بېنکونو نمائندګان شامل وو۔ د ملاقات په مهال وزيراعظم پلاوي د معيشت په استحكام او پاكستان كښې غېر ملكي سرمايه كاري راغب كولو لپاره د حکومت لخوا د شوو مهمو اقداماتو نه خبر كړو چې پكښې د ټيکس بيس پراختيا، کاروبار كښې سهولت٬ وده او په سركاري ادارو كښې اصلاحات شامل دي۔ وزيراعظم ووئيل د حكومتي اقدامات په نتيجه كښې په معاشي اعشارو كښې بهتري راغلې او نړيوال رېنټنګ اېجنسو بشمول فچ او موډيز د پاکستان کريډټ ريټنګ كښې اضافه كړې ٬ ده پلاوي ته د يو تل پاتي مالياتي فرېم ورك جوړولو په اړه هم ووئيل كوم چې به حكومت له په نړيوال ماركيټ كښې د ګرين سسټين ايبلټي بانډ په اجراء كښې مرستياله وګرځي۔ د وزيراعظم مننه كولو سره پلاوي د حكومت د پاليسو ستائنه وكړه كومې چې د پاكستان معاشي استحكام په ترلاسه كولو كښې مهم كردار لوبوي۔ پلاوي د برامدات وده كښئ مرستې لپاره د مينوفيکچرنګ سيکټر په خاص توګه د اېس اېم ايز پرمختګ لپاره حكومت سره په مرسته كښې خوښي څرګنده كړه۔ وزيراعظم شهباز شريف د امريکې بېنكونو ته په پاکستان كښې په انفراسټرکچر، توان، ټيکنالوجي او د زراعت په مهمو څانګو كښې د سرمايه كارۍ بلنه وركړه او غېر ملکي سرمايه کارو سهولت لپاره مستحکم ميکرو اکنامک ماحول برقرار ساتلو لپاره يي د حكومت د عزم باور وركړو۔
