اسلام آباد 09 اكتوبر (اے پي پي) د تجارت وفاقي وزير جام كمال خان وئيلي دي چې د پومبې فصل سره د لكهونو په شمېر خلقو روزګار تړلے دے٬ حكومت د دې څانګې بحالۍ لپاره كار كوي، په تېرو څو كلونو كښې دا څانګه نظر انداز كړې شوې چې په سبب ئې د لكهونو په شمېر كسان بې روزګاره شوي۔ دا خبره ده د شورو په ورځ د پاكستان جنرز ايسوسي ايشن چيئرمېن ډاكټر جسومل په مشرۍ كښې د پاكستان كاټن انډسټرۍ ته د پېښو چېلنجونو مخنيوي لپاره غونډې ته وېنا كښې وكړه۔ ده ووئيل د جننګ كمپنو شمېره كښې كمې راغلې دې او په 1200 كښې يوازې 400 جننګ كمپنۍ پاتې دي٬ ده ووئيل پومبه محض يو څيز نه دې بلكې دا د معاش يوه ذريعه ده، ده ووئيل د پومبې پېداوار زياتولو سره په كلنه توګه د دريو نه تر څلور اربه ډالرو بچت كېدې شي٬ د سيمينارز او وركشاپس د يو سيريز تجويز وړاندې كولو سره وفاقي وزير يو جامع پلان جوړولو لپاره د صنعت د شراكتدارو پشمول اپټما او برآمد كوٶنكو سره مرستې لپاره د حكومت د عزم څرګندونه وكړه٬ ده د اېسوسي اېشن ډاډګيرنه وكړه چې ھغوي دې اېكسپورټ ډويلپمنټ فنډ (اي ډي اېف) د لارې فنډنګ لپاره تجويزونه وړاندې كړي دغسې چې دا څانګه بحال او برامداتو ته وده وركړې شي۔ په دې موقع ډاكټر جسو مل د تجارت د وزير لخوا د دې څانګې په ملاتړ كولو مننه وكړه
