اسلام آباد 26 ستمبر (اے پي پي) د منصوبه بندۍ٬پرمختګ او خاص اقدامات وفاقي وزير پروفيسر احسن اقبال په مشرۍ كښې د نېشنل اربن پلاننګ فريم ورك غونډه اسلام آباد كښې وشوه۔په غونډه كښې پارليماني سېكرټري وجيهه قمر٬د منصوبه بندۍ اېډېشنل سېكرټري٬د پلاننګ كمېشن غړو او د بېلو ادارو اعلٰی افسرانو ګډون وكړو ۔وفاقي وزير احسن اقبال غونډې ته وينا په مهال ووئېل د نېشنل اربن پلاننګ فريم بنيادي مقصد وګړو ته ښه ګورننس٬موثره شهري منصوبه بندي٬جديد ماس ټرانزټ سسټم او د ښه امنيت وركولو سره د پرمختګ په لاره روانول دي دغسې چې د پاكستان ښاريي”د اوسېدو جوګه”او د تل پاتي پرمختګ مركز شي۔ده په تندۍ سره پراخه كېدونكې ښاريي او ودانۍ كښې اضافه د هېواد لپاره يو لويې چېلنج ګرځولو سره ووئېل مونږ دې مسئلې حل كولو لپاره د زمكې انتظام٬زوننګ او د منصوبه بندۍ پوهانو ته ضرورت دے ۔ده په دې خبره زور راوړو چې زرعي زمكه په غېر ضروري هاؤسنګ سكيمونو د بدلولو مخ نيوي له جامع پالېسي وضع كړئ دغسې چې د زرعي زمكو حفاظت وكړے شي۔ دې نه علاوه ده د ښاريو مركزونه موسمياتي بدلون څخه په د پېدا شوو خطرو څخه ساتلو لپاره منصوبه بندۍ كښې موافقت او د تخفيف اقدامات شاملولو په ضرورت هم زور راوړو۔غونډه كښې وئېل شول د پاكستان 54 فيصد شهري آبادي يوازې په 21 لويو ښارونو كښې مېشته ده چې پكښې كراچۍ او لاهور كښې 34.5 فيصد آبادي موجود ده۔د غونډې په آخر كښې احسن اقبال ټولو اړوندو ادارو ته هدايت وكړو چې يو جامع او پائيدار اربن پلاننګ فريم جوړ كړئ كوم چې د نورو صوبو لپاره يو مثال جوړ وي۔
