اسلام آباد 09 اکتوبر (اے پي پي) صدر مملکت آصف علی زرداری شاہ زیب خان له په سنګاپور كښې نړيوال کراټے کامبیټ چیمپئن شپ كښې په كاميابۍ مباركي وركړې۔د شورو په ورځ د ایوان صدر پرېس ونګ د اړخه جاري شوې بیان له مخې صدر مملکت آصف علی زرداری او د بلوچستان وزیر اعلیٰ میر سرفراز بګټي شاہ زیب خان له په ښه کامیابۍ په ایوان صدر كښې د 10 کروړه روپو چیك وركړو۔ صدر مملکت په سنګاپور كښې د کراټے په لوبه كښې د هېواد نامه په روښانه كولو د شاہ زیب خان ستائنه وكړه ۔ ده ووئيل د بلوچستان ځوانان لوئ ټیلنټ لري كومو له چې موقعو وركولو ته اړتيا ده۔ده ووئيل د لوبو په څانګه كښې د ځوانانو ډاډګيرنه كولو ته اړتيا ده۔ صدر مملکت هيله څرګنده كړه چې شاہ زیب خان به په سباؤن كښې هم د هېواد لپاره په زړه پوري كار وكړي
