اسلام آباد 02 اکتوبر(اے پی پی)په سېنېټ كښې د پاكستان مسلم ليګ(ن)پارليماني مشر سېنېټر عرفان الحق صديقي وئېلي دي مولانا فضل الرحمان د آئيني عدالت مرستيال دے٬د ججانو تقررۍ په اړه ترميم كولو سره هم اختلاف نه لري٬مولانا داسې مسوده غواړي كومه چې بنيادي حقونو سره متصادم نه وي٬مولانا فضل الرحمان ته په انټرا پارټي ټاكنو په ړه مباركۍ وركولو لپاره راغلے يم٬د نواز شريف كوم خاص پیغام راوړولو له نه يم راغلے٬د مولانا فضل الرحمان او نواز شريف ترمينځه ښې اړيكې قائم دي۔د شورو په ورځ د جمعيت علمائے اسلام (ف)مشر مولانا فضل الرحمان سره د هغه په استوګنه د ملاقات نه پس خبريالانو سره په خبرو كښې سېنېټر عرفان الحق صديقي ووئيل مولانا فضل الرحمان سره غېر سياسي رشته لرو٬هغه سره يو اوږد ملاقات شوے٬نن كومه لويې خبر نشته ۔مولانا فضل الرحمان ته په انټراپارټي ټاكنو مباركۍ وركولو لپاره راغلے يم۔ده ووئيل د ملاقات په مهال د آئيني بدلون او سياسي رابطو په اړه خبره شوې٬ مولانا فضل الرحمان د آئيني عدالت مرستيال دے٬د ججانو تقررۍ په اړه بدلون سره هم اختلاف نه لري٬مولانا داسې مسوده غواړي كومه چې بنيادي حقونو سره متصادم نه وي٬ په راتلونكو دوو اونيو كښې به معاملات واضحه شي۔ده ووئيل د آئين شق 63 اے ښكاره كوي كه څوك خپل ګوند ته رائے نه وركوي نو هغه به نااهل كېږي خو د ووټ شمېره به ضرور كېږي٬ د جولائي په 12مه نېټه پريكړه د آئين او قانون سره متصادم ده۔ده ووئيل د آئيني بدلون نه قاضي فائز عيسٰی څخه تعلق كوم شته نه د جسټس منصور علي شاه سره٬د دې آئيني بدلون هېڅ چا سره هېڅ تعلق نشته۔د يوې پوښتنې په ځواب كښې ده ووئيل آئيني بدلون د ميثاق جمهوريت نيمګړې ايجنډا ده كومه چې مكمل كول غواړي۔ ده ووئېل مولانا فضل الرحمان او نواز شريف د احترام رشته لري٬مولانا فضل الرحمان او نواز شريف ته د چا د پیغام ضرورت نشته٬زه نن د نواز شريف پیغام راوړولو لپاره نه يم راغلے۔
