اسلام آباد۔6 اکتوبر(اے پی پی) د مودي په هندوستان كښې د هندو انتها خوښو لخوا د پېغمبر اسلام نبي اكرم (ص) په شان كښې د سپكاوي بيانونه يو معمول جوړ شوے دے۔ د کشمیر میډیا سروس لخوا د جاري شوي بيان له مخې په يو رپورټ كښې وئيلې شوي دي چې په هند كښی د هندو پجاری او كركه خپرونكي نرسنګھانند لخوا د سپكاوي يو بل تقرير رامخے ته شوے دے۔ په رپورټ كښې وئيلې شوي دي چې د مسلمانانو په ضد كركه خپرونكو رحجاناتو ته د بھارتيه جنتا پارټي او راشټریه سوائم سیوک سنګھ لارښود وده وركوي۔ په رپورټ كښې وئيلې شوي دي چې د وزیراعظم نرېندر مودی په دور كښې د هندوتوا لارښودو د سپكاوي بيانونه د زياتېدونكې اسلامو فوبيا عكاسي كوي۔ په رپورټ كښې دا هم وئيلې شوي دي چې د كومو مقدسو علاماتو او شخصياتو مسلمانان تعظيم كوي اوس د مودي په هندوستان كښې د هغې سپكاوې يو معمول جوړ شوے دے۔ په رپورټ كښې وئيلې شوي دي چې نرسنګھانند او د ده په څير نور كسان دې په دې خبره پوه شي چې د نبي كريم (ص) په شان كښې د سپكاوي بيان مسلمانانو لپاره د نه قبلولو وړ دے او دا به په هېڅ صورت زغملے نه شي۔
