اسلام آباد۔27ستمبر(اے پی پی) داخله وزير محسن نقوي سره د امريكائي د بېورو آف انڼرنېشنل نارکوټکس اېنډ لا ءانفورسمنټ افېرز( آئی اېن اېل) پلاوي ملاقات وكړو په كوم كښې چې د شريكې خوښې په چارو او دوه اړخيزه مرسته د خيالاتو څرګندونه وشوه۔ د داخله وزير وېنا وه چې د پاكستان پوليس او پېرا ملټري فورسز د كار استعداد زياتولو كښې آئی اېن اېل غېر معمولی مرسته كوي۔ په دې لړ كښې په يو شمېر مهمو منصوبو كار روان دے كومې چې د ستائنې وړ دي۔ ده ووئيل مونږ غواړؤ چې دا مرسته مخ په وړاندې لاړه شي او په تلپاتې بنيادونو اودرولې شي۔ محسن نقوی ووئيل اېف آئی اے د پاكستان مهمه تحقيقاتي اداره ده۔ مونږ غواړؤ چې اېف آئي اے د آئي اېن اېل مرستې سره د اېف بي آئي په څير فعاله اداره جوړه كړې شي۔ په پاكستان كښې په جرمونو قابو موندلو له به دا منصوبه يو سنګ ميل ثابت شي۔ ده ووئيل فرنټیئر کانسټېبلری په ګرد پاكستان كښې د ریزرو پولیس كردار ترسره كوي٬ د دې فورس په نوؤ بنيادونو اودرول هم د وخت مهم ضرورت دے۔ ده ووئيل په دې ټولو چارو كښې به مونږ له د امريكې تجربې څخه استفاده كول وي۔ داخله وزير ووئيل د نشائي توكو مخنيوي په لړ كښې ټول ممكنه ګامونه پورته كولې شي۔ د امريكائي پلاوي لخوا د ترهګرۍ په اوسنيو پېښو كښې د قيمتي ځانونو په زيان د افسوس څرګندونه وشوه۔ امريكائي دوهم سفير ووئيل آئی اېن اېل 42 كاله څخه پاكستاني حكومت سره په ګډه كار كوي۔ مونږ غواړؤ چې دا مرسته مضبوطه او تلپاتې جوړه كړې شي۔ د پاکستان په سېکیورټی كښې د امريكا سېكيورټي ده۔
