اسلام آباد 10 اکتوبر (اے پي پي) د خزانې وفاقي وزير سينيټر محمد اورنګزيب وئيلي دي په ټېكس فراډ كښې ككړ كسان او كمپنو په ضد سختې كاروائۍ روانې دي٬ په تحقيقات كښې د ټيکس په غلا او د ټيکس فراډ په لړ كښې د 3,400 اربه روپو ګېپ دے، د جي ډي پي به تناسب سره د ټيکسونو شرح 9 فيصد ته نزدې ده كومه چې د 13 نه تر 14 فيصد كچې ته راوستل ضروري ده ، په 3 لکه رجسټرډ کمپنيو كښې يوازې 14 فيصده کمپنۍ سيلز ټيکس لپاره رجسټرډ دي۔ د زيارت په ورځ د اېف بي آر چيئرمېن راشد محمود لنګريال او نورو چارواكو سره سره پرېس كنفرنس ته خپلې وېنا كښې د خزانې وزير ووئيل د معيشت په بېلا بېلو څانګو كښې د سيلز ټيکس غلا پحقله د اېف بي آر لخوا د شوې سټډي له مخې د ټيکس غلا او ټيکس فراډ په سبب د 3,400 اربه روپو فرق موجود دے٬ د ټيکس غلا اندازه د دې حقيقت نه لګولې كېدې شي چې په درې لكه مينوفيکچررز كښې يوازې 14 فيصد ټېكس وركولو لپاره رجسټرډ دي٬ يو شمېر رجسټرډ ادارې د ټرن اوور د غلط رپورټنګ، اضافي ان پټ ټيکس کلېم او د جعلي اور فلائنګ انوائسز په استعمال كښې هم ككړې دي۔ ده ووئيل د آئرن اينډ سټيل په څانګه كښې په 33 لويو كاروبارنو كښې كوم چې د مجموعي رپورټ كړي خرڅ د 50 فيصد نه زياته برخه لري د 29 اربه روپو اضافي ان پټ ټيکس کليميز جمع كوي٫ په بيټري جوړولو كښې د 11 اربه روپو اضافي ان پټ ټيکس ايډجسټمنټ کليمز راغلي ٬ د سيمنټ سازۍ په څانګه كښې د 19 فعاله کيسز د مطالعې نه معلومه شوې چې د دې څانګې يوې برخې په تېر كال كښې د 18 اربه روپو د اضافي ان پټ ټيکس ايډجسټمنټ کليمز داخل كري، د مشکوك ان پټ ټيکس لويه ذريعه د سكرو اخستلو پحقله كلېمز دي ٬ ده ووئېل د مشروبات څانګې د 15 اربه روپو، سپننګ، ويونګ او کمپوزټ يونټس لخوا د 169 اربه روپو د كلېمز درك لګېدلے۔ ده ووئيل د ټېكس غلا په لويه كچه د خپرېدو په سبب تېر كال د رپورټنګ په نظام كښې بهترۍ سره سره ګرفتارۍ او د پوځداري مقدماتو د اندراج پشمول د اقدامات په نفاذ كښې تېمدي راغلې چې په نتيجه كښې ئې د تېر كال په مهال په جعلي ان پټ ټيکس کليمز كښې كمے راغلے۔ د خزانې وزير ووئيل اېف بي آر د وړاندې نه په بېلا بېلو څانګو كښې د ټيکس فراډ شواهد رامخې ته كړي چې پكښې د بيټري سيکټر 11 کيسز، د آئرن اينډ اسټيل سيکټر 897 کيسز او د سكرو اخستو ان پټ کليمز څخه د مستفيد كېدو 253 کيسز شامل دي٬ د ذكر شوو څانګو پشمول د سيلز ټيکس فراډ له امله د مجرمانه کارروائيو په ضد يو شمېر مقدمات په ګوته كړې شوي ٬ د دې كېسز په سپلائي چېن كښې شامل كسان د ان پټ ټيکس ايډجسټمنټ، ډيبټ او کريډټ نوټ او نورو ذريعو د لارې كمے زياتے كوي دغسې چې ريټرن فائلنګ سسټم سره درغلي وكړي٬ د سيلز ټيکس د فراډ مجموعي پیسې 227 بلين روپۍ دي ۔ ده ووئيل د سيلز ټيکس فراډ په ضد په لويه كچه د کريک ډاون كولو منصوبه لرو په كومې چې به په راتلونكي وخت كښې عملدرامد كولې شي۔ ده دا هم ووئيل د سيلز ټيکس فراډ يو پوځداري جرم دے او د قانون له مخې به سخته کارروائي كېږي چې پكښې د جرمانې نه علاوه ګرفتاري او د لسو كالو د زندان سزا هم شامل ده۔ د خزانې وزير ووئيل په هېواد كښې معاشي استحکام راغلے٬ ټولې معاشي اشاريي سم پلو رانې دي، ترسيلات زر زيات شوي، د توان په څانګه كښې په جامع اصلاحات عملدرآمد روان دے۔ ده ووئيل د ټيکس نظام كښې بهتري او سپېځلتيا زمونږ وړومبۍ بام لرنه ده ٬ د پاليسۍ نه اوس انفورسمنټ او ټيکس تعميل پلو روان يو چې بنيادي مقصد ئې د ټيکس غلا ختمول او ليكجز كښې كمے راوستل دي۔ د خزانې وزير ووئيل د ټيکس سسټم ډيجيټلائزيشن څخه به په نظام كښې سپېځلتيا راشي٬په ايف بي آر كښې ټرانسفارميشن كښې يو شمېر اړخونه موجود دي اوپه دې لړ كښې په بېلا بېلو كچو كار روان دے ٬ پاليسي او وصولي جلا كول غواړو۔ ده ووئيل مونږ ټول څيزونه اداره جاتي جوړوٶ دغسې چې د حكومتونو د بدلېدو په پاليسۍ او پائيداريت فرق نه پرويوځي۔ ده ووئيل د سعودي عرب بزنس پلاوي د پاكستان دوره خوشبينه ده٬ د دواړو هېوادونو ترمېنځه په 27 اېم او يوز لاسليك كېدونكے دے چې ورسره به د هېواد په معاشي صورتحال كښې لا بهتري راشي۔ په دې موقع د اېف بي آر چيئرمېن هم وېنا وكړه۔
