اسلام آباد 02 اکتوبر (اے پي پي) د ماليزيا وزيراعظم انور ابراهيم د پاكستان په په درې ورځنۍ دوره د شورو په ورځ اسلام آباد ته رارسېدلے دے ٬ وزيراعظم شهباز شريف د ګران مېلمه تود هركلے وكړو٬ په دې موقع نائب وزيراعظم اسحاق ډار او د وفاقي کابينې غړي هم موجود وو۔ د پاكستان پلازمينه ته په رارسېدو د ماليزيا وزيراعظم ته د 21 توپو سلامي وكړې شوه او په روايتي لباس كښې ملبوس كوچنيانو وزيراعظم انور ابراهيم ته د ګلونو ډالۍ وړاندې كړې او د پاك پوځ يوې چټك ډلې ګران مېلمه ته سلامي وكړه ۔ د يادونې وړ ده د اعليٰ كچ پلاوې هم د ماليزيا وزيراعظم سره د پاكستان په دوره راغلے دے۔ د خپلې دورې په مهال به وزيراعظم انور ابراهيم د پاکستان قيادت سره ملاقاتونو كښې په دوه اړخيزه اړيكو د خيالاتو څرګندونه كوي۔
