اسلام آباد۔23ستمبر(اے پی پی) د چین صدر شی جن پنګ وزيراعظم شهباز شريف ته د هغه په سالګره مباركي وركولو سره هغه لپاره د نېكو هيلو څرګندونه كولو سره وئيلي دي چې مونږ تاسو سره په ګډه پاك چين ستراتيجيكي همكارۍ ته وده وركولو او په سي پېك كار مخ په وړاندې بوتللو كښې خوښي لرؤ۔ چینائي صدر ووئيل پاکستان او چین ستراتيجيكي همكاران دي ٬ دواړو هېوادونو تل په يو بل باور كړے او تل يۍ د يو بل مرسته كړې٬ زمونږ اړيكې بدلېدونكې نړيوالې منظرنامې كله هم اغېزمنې كړې نه دي۔ د ګل په ورځ د وزيراعظم آفس ميډيا ونګ لخوا د جاري شوي بيان له مخې د چين صدر شي جن پنګ وزيراعظم شهباز شريف ته د سالګرې په موقعه د مباركۍ چيټۍ استولې ده۔ د چينائي صدر لخوا په خصوصي توګه رالېږلې شوې دا چيټۍ د پاك چين سفارتي اړيكو مضبوطيا پلو يو غېر معمولي پېشرفت دے۔ په چيټۍ كښې د چين صدر وئيلي چې زه تاسو ته په سالګره مباركي دركوم او تاسو لپاره د نېكو هيلو څرګندونه كوم۔ پاكستان او چين په سختو او ښه وختونو كښې د يو بل د ستراجيكي مرستې همكاران پاتې شوي دي۔ تاريخ ګواه دے چې دواړو هېوادونو تل په يو بل مرسته كړې او تل يۍ د يو بل ملګرتيا كړې۔ ده ووئيل د دواړو ترمينځه مضبوط تړون كله هم بدلېدونكې نړيوالې منظرنامې اغېزمن كړے نه دے۔ د روان كال جون مياشت كښې تاسو د چين كاميابه دوره وكړه په كومه كښې چې په زړه پورې چاپېريال كښې د خيالاتو څرګندونه وشوه او په يو شمېر چارو موافقت وشو۔ ده ووئيل د چين پاكستان اړيكو پياوړتيا ما لپاره زياته مهمه ده۔ تاسره په ګډه د پاك چين ستراتيجيكي همكارۍ وده او په سي پېك كار كولو كښې خوښي لرم۔ په چيټۍ كښې د چين صدر ووئيل تاسو سره په ګډه يو شمېر څانګو كښې همكاري او په عصري دور كښې د چين او پاكستان اولس ترمينځه د ژورو اړيكو د لارې يو شريك سباؤن لپاره كار كولو سره سره تاسو لپاړه د ښه صحت او په هر قدم كاميابي غواړم۔
