اسلام آباد۔22 اکتوبر(اے پی پی) د قامي اسمبلۍ سپيكر سردار اياز صادق په پاکستان نرسنګ کونسل اېکټ 1973 كښې بدلونونه كولو له پاکستان نرسنګ کونسل (ترمیمی) بل 2024 اړوندې قائمه کمېټۍ ته لېږلے دے۔ د نهې په ورځ د قامي اسمبلۍ غونډه د سردار اياز صادق په مشرۍ كښې وشوه۔ په غونډه كښې د پاكستان پيپلز پارټي غړي سيد رفيع لخوا په پاکستان نرسنګ کونسل اېکټ 1973 كښې لا بدلونونو لپاره د پاکستان نرسنګ کونسل (ترمیمی) بل 2024 د وړاندې كولو تحريك وړاندے كړو د كوم چې ايوان منظوري وركړه۔ د تحريك منظورۍ څخه وروستو ده بل ايوان ته وړاندې كړو۔ د قامي اسمبلۍ غړي سيد رفيع د بل په خصوصيات رڼا اچولو سره ووئيل مونږ غواړؤ چې دا اداره دې لا ښه او فعاله كړې شي۔ دا اداره كوم مقصد لپاره چې جوړه كړې شوې وه او اوس د دې څه صورتحال دے٬ دې پلو بايد پام وګرځولې شي۔ زه غواړم دا بل د قامي اسمبلۍ د روغتيا قائمه كمېټۍ ته ولېږلې شي دغسې چې د روغتيا وزارت او د اړوند سټېك هولډرز رائے او مشاورت د لارې دا بل لا ښه كړے شي۔ په دې سپيكر سردار اياز صادق بل اړوندې قائمه كمېټۍ ته ولېږلو
