اسلام آباد 30 اګست (اے پي پي) د ايران خارجه وزير ډاكټر محمد جواد ظریف د زيارت په ورځ په پارلمان كښې د قامي اسمبلۍ سپيكر اسد قېصر سره ملاقات كړې۔ په دې موقع پاكستان كښې د ايران سفير د مهدی هنر دوست نه علاوہ د ايران د لوړې كچې پلاوې هم هغه سره ملګرے ٶ۔ د ملاقات په مهال په دوه اړخيزه اړيكو او منطقې ته د پېښو مسئلو پحقله خبرې وشوې ۔ د قامي اسمبلۍ سېكټرېټ لخوا د جاري سوي بيان له مخې د ملاقات په مهال سپیکر ووئيل پاکستان او ایران له به شريكې ګټې لپاره تجارت٬ سرمايه كارۍ ٬ توان او په نورو څانګو كښې مرسته زياتول وي۔ ده ووئيل پاکستان او د ایران د پارلمانونو ترمېنځه نزدې رابطې د منطقې استحكام او همغږۍ ته ودې وركولو لپاره ضروري دي۔ سپيكر اسد قېصر ووئيل د دواړو هېوادونو ترمېنځه د ملګرتيا نزدې اړيكې منطقه كښې امن ٬ پرمختګ او سوكالۍ لپاره ډېرې ضروري دي۔۔ ده زياته كړه چې پاكستان د اسلامي نړۍ په يووالي باور لري او پاكستان او ايران له به اسلامي نړۍ ته د پېښو مسئلو هواري لپاره په ګډه كار كول وي۔ سپيكر ووئيل د دواړو هېوادونو ترمېنځه ګڼ اړخيزه اړيكې موجود دي۔ ده د ايران د جغرافيائي اهميت پحقله ووېيل د اسلامي نړۍ اتحاد لپاره د ايران كردار مزكري اهميت لري۔ ده د اسلامي هېوادونو ترمېنئځه د مرستې زياتولو لپاره د فعاله پارلماني سفارتكارۍ په حاجت زور رواړو۔ ده ووئيل د نړيوال اهميت په معاملو دواړو هېوادونو له اتفاق سره مخ په وړاندې تګ ته اړتيا ده ۔ په دې موقع د ايران خارجه وزير ډاكټر محمد جواد ظریف اسد قېصر له د قامي اسمبلۍ په سپيكر ټاكلې كېدو مباركي وركړه او ورته ئې د ايران سپيكر او قيدات لخوا د نېكو هېلو پېغام ورسولو۔
