باکو 14 اکتوبر (اے پي پي) وزیراعظم محمد نواز شریف وئيلي دې پاکستان او آذربائیجان د هم اهنګۍ تصوراتو تر مخه يو ډول خيالات لري٬ ټولې سيمه ايزې او نړيوالې كشالې د نړيوال قانون او فرېم ورك له مخې په خبرو اترو او سوله ايز ډول هوارولو ته اړتيا ده ۔ وزيراعظم دا خبرې د آذربائیجان اولس مشر الهام علیوف سره د جمعې په ورځ د ګډې خبري كنفرنس ته خپلې وېنا كښې وكړې۔ وزیراعظم ووئيل مونږ د ښكاره جارحيت باوجود د سوله ايز ګاٶنډيتوب او پرمختګ لپاره د امن ترجماني كوٶ خو د امن د اصولو يا پابندۍ دې نا سمه ملطب وانخستل شي او نه دې دا كمزوري ونه ګڼلې شي۔ وزیراعظم ووئيل پاکستان او آذربائیجان د جمو کشمیر او نېګوره کاراباخ په مسئله د يو بل مرسته ٬ نزدې اړېكې او خيالات د هم اهنګۍ لرلو ثبوت دے۔ په نېګوره کاراباخ د پاکستان د درېځ پخلي كولو سره وزیراعظم نواز شریف د ټولو شخړيزو او آذربائېجان سيمو ستنولو ٬ د آرمېنين ځواكونو وتلو او د كډوالو ستنېدو غوښتنه وكړه ۔ وزیراعظم د كشمير په كشالې پاكستان لپاره د آذربائیجان د مرستې ستائنه وكړه كومه چې د ملګرو ملتونو د سلامتي كونسل د قراردادونو له مخې د خبرو اترو او د امن د لارې د كشالې په هواري زور راوړي ۔ وزیراعظم ووئيل د دواړو هېوادونو ترمېنځه به شريكه مرسته تر ټولو هواروي غوښتنه لرونكو مسئلو تر هواري روانه ساتلې شي۔ ده ووئيل د دواړو هېوادونو پرمختګ٬ سيمه ايز امن او سلامتيا دې مسئلو يرغماله كړې ده ٬ د شريكې اعلاميې لاسليك په اړه وزیراعظم ووئېل دا د دواړو هېوادونو ترمېنځه د اوسنيو فعاله اړيكو لا زياتولو او پراخا كولو د عزم عكاسي ده۔ ده ووئيل مونږ په دې خبره اطمينان لرٶ چې زمونږ سياسي اړيكې په تندۍ سره زياتېږي۔ دواړه هېوادونه په بېلا بېلو څانګو كښې شريكې اړيكې لا قوي كولو ته سلا شوي دي۔ وزیراعظم ووئيل د دواړو هېوادونو ترمېنځه دوه اړخيزه تجارت د رښتيني صلاحيت سره همغږي نه لري كوم چې بيا د سره زياتولو ته اړتيا لري۔ وزيراعظم د اولس مشر الهام علیوف په مشرۍ كښې د آذربائيجان د سماجي او اقتصادي پرمختګ ستائنه وكړه۔ الهام عليوف ووئيل مونږ د جمو كشمير په كشاله د پاكستان د دريځ او د ملګرو ملتونو د سلامتي كونسل په چارټر د عمل درامد ملاتړ كړې خو د بده مرغه تر اوسه په ھغې عمل ونه كرې شو۔ده ووئيل د دواړه هېوادونه يو ډول دريځ له امله يو موټې شوي هم دي او د آذربائیجان اولس د وزیراعظم نواز شریف مننه كوي چا چې خپل تېر حكومت كښې هم د نېګوره كارآباخ د مسئلې ملاټر كړے ٶ۔ اولس مشر علیوف ووئيل په نننو ملاقاتونو كښې مونږ د اقتصادي او سرمايه كارۍ روابط په خاص توګه د مېكنزم د لارې د برآمدي څانګې لا ودې وركولو ته سلا شوي يو ۔ ده ووئيل پاکستان د داروګانو جوړولو ډېره تجربه لري او آذربائیجان به په دې لړ مرسته له خوښي لري۔ ده ووئيل آذربائيجان د شريكې پوځي تربيې سره سره د دفاعي پېداوار په اړه مرسته له هم خوښي لري۔ اولس مشر عليوف هيله څرګنده كړه چې د دواړو هېوادونو ترمېنځه د سېلګرۍ ودې له به الېكټرانك ويزه نظام فعاله كولې شي۔ ده ووئيل آذربائیجان د اروپا او اسياء په پوله پروت دے او مونږ د ټرانسپورټېشن آسانۍ د لارې دوي پېوست كولې شوو
