نيويارك 23 ستمبر (اے پي پي)وزيراعظم محمد شهباز شريف به د ملګرو ملتونو عمومي اسمبلۍ غونډه كښې ګډون لپاره (نن)د ګل په ورځ نيويارك ته رسي۔د وزيراعظم مېډيا آفس لخوا جاري شوي بيان له مخې د دفاع وزير خواجه محمد آصف٬د اطلاعات او خپرونو وفاقي وزير عطاﺀ الله تارړ٬د تعليم او پيشه وره تعليم وفاقي وزير خالد مقبول صديقي او خاص مرستيال طارق فاطمي د دورې په مهال د وزيراعظم سره ملګري دي۔وزيراعظم به د خپلې دورې په مهال د ملګرو ملتونو عمومي اسمبلۍ غونډې ته وينا كوي۔دې سره سره به وزيراعظم د تل پاتي پرمختګ اهداف په اړه اېس جي ډي مومنټ 2024 ٬ د سلامتي كونسل ليډر شپ فارپيس په عنوان هائي ليول اوپن ډيبيټ او د سمندر زياتې شوې كچې څخه په ممكنه خطرو د اعلٰی كچ غونډه كښې ګډون او خبرې كوي۔وزيراعظم به نيويارك كښې د امريكې-پاكستان بزنس كونسل او پاكستان بينكرز سره هم ملاقات كوي ٬ وزيراعظم به د ملګر ملتونو عمومي سېكتر انتونيو ګوتريس ٬د عمومي اسمبلۍ صدر فیلیمون یانګ٬ یورپیئن کمیشن صدر ارسلا وون ډر لیئن سره ملاقاتونو سره سره د ګيټس فاؤنډېشن مشر بل ګيټس٬ د نړيوال بانك صدر اجے بانګا او د نړيوال مالياتي فنډ مینجنګ ډائریکټر کرسټالینا جارجیوا سره هم ملاقات كوي۔وزيراعظم به د فلسطين صدر محمود عباس سره هم خاص ملاقات كوي چې پكښې به په فلسطين كښې د يهوديانو ظلم او جبر مخ نيوي او نړيوالې ورورولۍ له په دې لړ كښې اقدامات تندولو لپاره مشاورت كوي۔وزيراعظم به د دوست هېوادونو مشرانو سره دوه اړخيزه ملاقاتونه كوي٬د برونائي دارلسلام سلطان حسن البلقیه لخوا د برونائي د ملګرو ملتونو غړيتوب په 40 كاله بشپړېدو وركړې كېدونكې د ماسپښخين مېلمستياﺀ او د بنګله دېش چيف ايډوائزر ډاكټر محمد يونس لخوا بنګله دېش له د ملګرو ملتونو ركنيت 50 كاله په بشپړېدو وركړې كېدونكې د ماسخوتن مېلمستيﺀا كښې هم ګډون كوي۔وزيراعظم به د خپلې امريكې دورې په مهال د نړيوالو مشرانو په وړاندې د موسمياتي بدلون خطرو سره د مخ هېوادونو مسئلو٬ د پاكستان منطقه كښې د ترهه ګرۍ خاتمې لپاره د وركوونكو قربانيو٬د نړيوال معاشي نظام او قرضدارو هېوادونو مسئلو٬په كشمير كښې د هند غېر قانوني قبضې ٬ د ظلم او جبر او د اسرائيل لخوا د بې ګناه فلسطينيانو نسل كشۍ په اړه غږ پورته كوي۔
