اشك آباد 11 اكتوبر (اے پي پي) صدر مملكت آصف علي زرداري سره د تركيه د پارلمان سپيكر نعمان قرطولمس د جمعې په ورځ د تركمانستان دورې په مهال د ” وخت او د تهذيبونو ترمېنځه تعلق: د امن او ترقۍ بنياد” د نړيوال فورم په موقع ملاقات كړے دے ۔ د ايوان صدر پريس ونګ لخوا د جاري بيان له مخې په دې موقع نائب وزيراعظم او خارجه وزير سينيټر محمد اسحاق ډار او د بلوچستان وزيراعليٰ مير سرفراز احمد بګټي هم موجود وٶ۔ صدر مملكت د پاكستان او تركيه ترمېنځه د رېل روابط ښه كولو په ضرورت زور راٶړلو سره ووئيل د دواړو هېوادونو ترمېنځه تجارتي او اقتصادي مرسته او اولسي رابطو ته به وده وركول وي۔ ده د دواړو وروڼو هېوادونه يو بل ته لا نزدې كولو لپاره د دوه اړخيزه اړيكو بهترۍ او د پلاويو په تبادلو زور راوړو٬ ده ووئيل تركيه د پاكستان او اسلامي نړۍ عظيم مخلص دوست ده۔ صدر مملكت ووئيل تركيه اسلامي نړۍ ته په رامخې ته مسئلو اصولي موقف اختياروي او د ناانصافۍ په ضد غږ پورته كوي ۔ په ملاقات كښې د فلسطين او لبنان په سنګين انساني صورتحال د تشويش څرګندونه وشوه۔ په دې موقع اسلامي نړۍ ته د رامخې ته مسئلو لاره نيولو لپاره د اسلامي نړۍ لخوا مخلصانه او د سنجيده هلو ځلو په ضرورت هم زور راوړلے شو۔ ده ووئيل تركيه د يو اقتصادي طاقت جوړېدو په لاره روان دے۔ صدر آصف علي زرداري په دې موقع د تركيه كاميابۍ او خوشحالۍ لپاره د نېكو هيلو څرګندونه وكړه
