اسلام آباد 06 فروري (اے پی پی) نګران وفاقی كابینې پېښور كښې په 8 كښې 4 احتساب عدالتونه په خصوصی عدالتونو بدلولو، د پاكستان انټرنېشنل ایئرلائنز (پی آئی اے) تنظیم نو ، د فرسټ وویمن بینك لمیټډ د نجكارۍ او د داروګانو بيعو ډی-ریګولیشن په اړه د تجاویز منظوري وركړې ده ۔د نهې په ورځ د وزیراعظم آفس میډیا ونګ د اړخه جاري بيان له مخې د نګران وزیراعظم انوار الحق كاكړ په مشرۍ كښې د وفاقی كابینې غونډه وشوه۔وفاقی كابینې د دفاعی پیداوار وزارت په سفارش لیفټیننټ جنرل طاهر حمید شاه د پاكستان آرډیننس فیكټریز د بورډ ممبر او چیئرمېن په حيث د تعیناتۍ منظوری وركړه۔ لیفټیننټ جنرل طاهر حمید شاه د تعیناتۍ اطلاق به د 29 نومبر 2023 څخه وي ۔ دغسې وفاقی كابینې د خارجه وزارت په سفارش میجر عابد منصور خان ته د خدمات په اعتراف كښې د سعودی عرب دفاع وزارت څخه د “نوت شجاعت” او “نوت شرف” ایوارډ ، د خارجه وزارت په سفارش محمد اشرف خان له د پروټوكول افسر په توګه د هغه د خذمات په اعتراف د آسټریا حكومت څخه د ګولډ میډل او د خارجه وزارت په سفارش ائیر كموډور سید عمران علی له د هغه د خذمات په اعتراف كښې د پاكستان سفارت خانې په ټوكیو كښې د ډیفنس اتاشی په حېث د خذمات په ترسره كولو ډیفنس كوآپریشن ایوارډ فرسټ كلاس د ترلاسه كولو اجازه وركړې ۔ وفاقی كابینې د قانون او انصاف وزارت په سفارش او د پېښور هائی كورټ چیف جسټس په تجویز پېښور كښې په 8 كښې 4 احتساب عدالتونه په خصوصي عدالتونو د بدلولو منظوري هم وركړې ۔دې نه علاوه د دې عدالتونو د ججانو د تقرری په اړه د پېښور هائیكورټ چیف جسټس د تجویز كولو منظوري هم وركړې شوې ۔پاتې عدالتونه به د احتساب عدالتونو په توګه كار كوي۔د دې بدلونونو سره به په قامی خزانه كوم اضافی بوجھ نه پريوځې۔ دغسې ېوفاقی كابینې د نجكاری ډویژن په سفارش د پاكستان انټرنېشنل ایئرلائنز (پی آئی اے) تنظیم نو منظوری هم وركړې۔غونډې ته ووئيل شول چې پی آئی اے د تيرو څو كلونو راهسې په خساره روانه ده۔ كابینه خبر كړې شوه چې د كابینې تيرو غونډو كښې د پی آئی مالي او انتظامي تنظیم نو لپاره د فنانشل ایډوائزر تقرري منظوری وركړې شوې۔ كابینې ته ووئيل شول فنانشل ایډوائزر د اړخه د نړيوالو مثالونو تر مخه د پی آئی اے مالیاتی تنظیم نو منصوبه جوړه شوې چې له مخې به ئې پی آئی اے په دوه كمپنیو ټاپ-كو او هولډ-كو باندې وېشلې شي۔د پی آئی اے بنیادی آپریشنز انجینئرنګ، ګرائونډ هینډلنګ، كارګو، فلائیټ كچن او ټریننګ به ټاپ-كو كښې شاملولې شي دغسې نورې ادارې لكه چې پریسیژن انجینئرنګ كمپلیكس، پی آئی اے انوسټمنټ لمیټ او نورې ذیلی ادارې به او پراپرټیز هولډ -كو كښې شاملولې شي۔دغسې وفاقی كابینې د نجكارۍ وزارت په سفارش فرسټ وویمن بینك لمیټډ د نجكارۍ منظوری هم وركړې۔ وفاقی كابینې د قامي روغتيا وزارت په سفارش د هغه داروګانو د بيعو ډی-ریګولیشن په اړه تجاویز هم منظوركړي كوم چې د زياتو ضروري داروګانو قامي فهرست كښې شامل نه دي۔د دې تجاویز ترمخه نېشنل لسټ كښې موجود انتهائی ضروری داروګانو نه علاوه د داروګانو بيعې ډرګ ایكټ 1976 څخه مستثنیٰ ګرځولې شي او ډرګ پرائیسنګ پالیسی 2018 كښې ضروری ترامیم به كولې شي۔دغسې وفاقی كابینې د اقتصادي رابطه كمیټۍ 01 فروري 2024 په شوې غونډه كښې د كړو پريكړو هم توثیق كړے
