اسلام آباد۔ 28 اكتوبر (اے پي پي) سپريم كورټ آف پاكستان كښې چيف جسټس جسټس يحيې آفريدي په مشرۍ كښې فل كورټ غونډه وشوه چې پكښې ټولو ججانو صاحبانو ګدون وكړو ٬ دغسې جسټس منصور علي شاه د وډيو لنك د لارې غونډه كښې شريك شو۔د سپريم كورټ اولسي اړيكو څانګې څخه د جاري بيان تر مخه دا غونډه د سپريم كورټ د كاركردګۍ جاج اغستو او د مقدمو تر سره كولو لپاره رابللې شوې وه ۔غونډه كښې د كېسونو بېك لاګ كمولو او د عدالتي كاركردګۍ زياتولو ته پام لرنه وشوه۔ رجسټرار د كېس لوډ يوه جائزه وړاندې كړه او د مقدمو په وخت د پرېكرو پلو بوتللو له يې خاكه وړاندې كړه ٬ هغوي تازه شمېرې وړاندې كرې چې ترې څرګنېږي چې دا وخت 59191 كېسونه زېر التوا دي۔دغسې د جسټس منصور علي شاه د جوړ كړي كېس منېجمنټ پلان 2023 تر مخه د يوې مياشتې نوې منصوبه معرفي كرې شوه ۔ په دې منصوبه كښې په څرګنده توګه د معيارات تعين كول او د بېلا بېلو مقدمو په موثره ډول منظم كولو لپاره د انفرمېشن ټېكنالوجۍ كارول شامل دي٬ د كېس منېجمنټ پلان جاج اغستو سره ججانو صاحبانو د پلان اهداف سر كولو لپاره په مختلف تګلارو خبرې وكرې۔ دغسې د وېډيو لنګ د لارې جسټس منصور علي شاه خپل اضافې وړاندېزونه وركړل د كومو مقصد جې د بېك لاګ كمول او په ابتدائي توګه د يوې مياشتې لپاره د طريقه كار كاركردګي بهتر كول دي۔دې نه پس بيا د دريو او 6 مياشتو منصوبې پكښې شاملې دي۔ په دې مهال چيف جستس جسټس يحيې آفريدې د ټولو ججانو صاحبانو مننه وكړه ٬ ده ووئېل د اهداف سر كولو له عزم لرو٬ به دوېم دسمبر به رابللي شوې فل كورټ غونډه كښې د پېشرفت جاج اغستلے شي
