اسلام آباد۔9 نومبر(اے پی پی)د داخله چارو وفاقي وزير محسن نقوي وئيلي دي چې علامه اقبال د شعر د لارې مسلمانانو کښې د يو والي او خودارۍ جذبه بېداره كړه۔ د علامه محمد اقبال د زېږېدنې ورځې په مناسبت په خپل پیغام کښې وفاقي وزير ووئيل د اقبال د فلسفې له مخې باید په هر اړخیزه توګه له هرې ننګونې سره مقابله وکړؤ، د دې وخت راغلے دے چې یو مونږ موټی شوو، اختلافات يو اړخ ته كړؤ او د هېواد پرمختګ له عزم سره كار وكړؤ۔ د خالي په ورځ د كورنيو چارو وزارت لخوا جاري شوي يو بيان كښې محسن نقوي ووئيل چې علامه اقبال د برصغير پاك وهند مسلمانانو لپاره د يو جلا و طن تصور وړاندے كړو او قائداعظم دا خوب په حقيقت بدل كړو۔ هغه د شعر له لارې د مسلمانانو ترمنځ د یووالی ٬ د خودارۍ او يو موټې كېدو جذبه بېدار كړه۔ داخله وزير وويل بل څوك نه بلكې مونږ له به خپل تقدير پخپله جوړول وي او په دې کښې کاميابۍ ده، د اقبال د فلسفې له مخې مونږ بايد د هر چیلنج مقابله په بشپړه توګه وکړؤ. محسن نقوي ووئيل علامه اقبال ځوانانو لپاره د يو ذهني مصلح او يو لارښود حېثيت لري٬ پاكستان يو سوګاله هېواد جوړولو له به مونږ له د اقبال د خودۍ په فلسفه عمل كول وي۔ ده ووئيل نن چې مونږ د علامه اقبال په فلسفه ځان پوهولو ته څومره اړتيا لرؤ دومره مو دې څخه وړاندې نه لرله۔ ده وئيل وخت راغلے چې مونږ يو موټے شوو ٬ خپل منځه اختلافات يو اړخ ته كړؤ او د هېواد سوكالۍ له عزم سره كار وكړؤ۔ ده زياته كړه چې په ننۍ ورځ به مونږ له د يو قام په حېث د علامه اقبل فكر د لارې مشال جوړولو عزم پخلے كول وي۔
