ملګرة ملتونه 27 ستمبر (اے پي پي) د فلسطين صدر محمود عباس د نړيوالي ورورولۍ څخه غوښتنه كرې چې لويديزه غاړه او غزه كښې د ويني بهيولو بندولو لپاره دې اسرائيل له د وسلې وركړه بنده كړي۔ده دا غوښتنه تيره ورځ د ملګرو ملتونو جنرل اسمبلۍ ته د وينا په مهال وكړه۔ العربيه اردو له مخې ده ووئيل امريکا پرله پسې اسرائيل له جنګي وسله وركوي كومه چې په غزه كښې د فلسطينيانو نسل کشۍ لپاره استعماليږي۔ده ووئيل د ماشومانو او ميرمنو د قتل لوي جرم او د فلسطينيانو نسل کشۍ مخنيوي لپاره دې اسرائيل له د وسلې وركړه بنده كړې شي دغسې چې د اسرائيل مخنيوي وكړے شي۔د فلسطين صدر ووئيل غزه او لويديزه غاړه كښې چې څه روان دي او څومره وينه وبهيولې شوه د دې ذمه واره نړيواله ورورولي ده كومه چې اسرائيل له وسله وركوي او د هغوي مشري كوي۔ ده ووئيل د دې وسلې استعمال سره ګڼ شمير وګړي ، ماشومان او ميرمني وژلې كېږي او نور قتل لپاره هم دغه وسله استعماليږي۔ده ووئيل د نړيوالي ورورولۍ دا اقدام د اسرائيل د يرغل د ډاډ ګېرنې مترادف ده ۔ اسرائيل چري ههم دا حق نه لري چې د ملګرو ملتونو غړے وي۔دا خبره دې ياده وي د فلسطين د روغتيا وزارت له مخې غزه كښې د اسرائيلي يرغل له امله 41 زره 534 فلسطينيان شهيدان شوي دي
