اسلام آباد 27ستمبر(اے پی پی)د كشمير٬ګلګت بلتستان و سفيران چارو وفاقي وزير انجينئر امير مقام د ملګرو ملتونو عمومي اسمبلۍ ته د وزيراعظم د خطاب هركلي كولو سره وئېلي دي وزيراعظم د ملګرو ملتونو عمومي اسمبلۍ ته په خطاب كښې د كشمير مسئله په غوره ډول پورته كړې٬وزيراعظم خپل خطاب كښې د فلسطين مسئله هم په ښه ډول وړاندې كړې۔جاري شوي بيان كښې انجينئر امير مقام ووئيل وزيراعظم ته پېرزوينې وړاندې كوو چا چې د كشمير او فلسطين مسئلې د ملګرو ملتونو عمومي اسمبلۍ ته په ښه ډول وړاندې كړې۔د وزيراعظم تاريخي وېنا د فلسطينانو او كشميريانو د هيلو عكاسي كوي۔انجينئر امير مقام ووئيل وزيراعظم په مقبوضه كشمير كښې په بې ګناه كشميريانو د هند ظلمونه په ډاګه كړل ۔ده ووئيل وزيراعظم په ملګرو ملتونو كښې د اسلامو فوبيا په ضد خبره كولو كښې د ټولو مسلمانانو وكالت كړے۔د اسرائيل وزيراعظم د وېنا په مهال د پاكستاني پلاوي واك آؤټ د ستائنې وړ اقدام دے۔
