اسلام آباد 23 ستمبر (اے پي پي) د كورنيو چارو وفاقي وزير محسن نقوي د سعودي سفير نواف بن سعيد احمد المالکي سره ملاقات وكړو چې پكښې هغه د سعودي عرب شاهي كورنۍ او اولس لپاره د نيكو هيلو څرګندونه وكړه۔د سعودي سفير سفارت خانې ته په راتګ د كورنيو چارو وفاقي وزير محسن نقوي هركلے وكړو۔ د كورنيو چارو وفاقي وزير سعودي سفير سره ملاقات وكړو او د سعودي عرب په قامي ورځ يې د سعودي عرب سفير له مباركي وركړه۔د كورنيو چارو وفاقي وزير محسن نقوي په هر سخت وخت كښې په مرسته كولو د سعودي عرب حکومت او سفير مننه وكړه ۔ ده ووئيل سعودي عرب په هر سخت وخت كښې د پاکستان مرسته كړي، سېلاب وي يا زلزله ، معاشي مشکلات يا کومه بله مسئله٬ د سعودي عرب د مرستي مثال نه ترلاسه كېږي۔ محسن نقوي ووئيل سعودي عرب سره هر مسلمان خصوصي عقيدت لري۔ده ووئيل سعودي عرب په مشکلات كښې د پاکستان بشپړه ملګرتيا كړي، هر پاکستانې سعودي عرب سره په تاريخي ملګرتيا فخر كوي۔د سعودي سفير ووئيل پاکستان سره اړيكي مهمي ګڼو، پاکستان زمونږ ورور هېواد دے
