نيويارك 25 ستمبر (اے پي پي) وزيراعظم محمد شهباز شريف د ملګرو ملتونو سيکرټري جنرل انتونيو ګوتيرېس سره ملاقات کړے٬ د ملاقات په مهال مقبوضه وادۍ كښې د هند په جارحانه کارروائيو د پاکستان د سختې اندېښنې څرګندونه كولو سره ئې سوئيلي اسياﺀ كښې د تل پاتي امن او استحکام باوري كولو له د شخړو هواري او د فلسطينيانو په ضد د اسرائيل د نسل کشۍ كمپائن سخته غندنه كولو سره په سمدستي توګه د جنګ بندۍ غوښتنه هم وكړه۔د شورو په ورځ د وزيراعظم آفس ميډيا ونګ د اړخه جاري شوي پرېس ريليز له مخې وزيراعظم محمد شهبازشريف او د ملګرو ملتونو سيکرټري جنرل انتونيو ګوترېس ترمينځه د ملګرو ملتونو جنرل اسمبلۍ غونډې په موقع ملاقات وشو۔وزيراعظم د ملګرو ملتونو سيکرټري جنرل د اړخه د “مستقبل سربراهي” کنفرنس هركلي سره هيله څرګنده كړه چې د كانفرنس نتيجو سره به پرمختګ كوونكو هېوادونو ته د جامع پرمختګ اهداف (اېس ډي جيز) او موسمياتي اهداف نفاذ لپاره مالياتي خلا او نظام ښه كولو له مرسته تر لاسه شي۔ سيکرټري جنرل ته د جموں و کشمير په صورتحال بريفنګ وركولو سره وزيراعظم مقبوضه وادي كښې د هند په جارحانه کارروائيو د پاکستان د سختې اندېښنې څرګندونه وكړه او سوئيلي اسياﺀ كښې د تل پاتي امن او استحکام باوري كولو له ئې د شخړو هواري په حاجت زور راوړو۔ ده په سيکرټري جنرل زور راوړو چې جموں او کشمير په اړه د ملګرو ملتونو سلامتي کونسل په اړوندو قراردادونو عملدرآمد او د کشميريانو د خپلواكۍ حق باوري كولو له خپله مخ ملازه استعمال کړي۔ وزيراعظم د فلسطينيانو په ضد د اسرائيل د نسل کشۍ كمپائن سخته غندنه او په سمدستي توګه او په غير مشروط توګه د جنګ بندۍ غوښتنه ئې وكړه۔ده په نړيواله ورورولۍ زور راوړو چې د اسرائيل احتساب وكړي۔ وزيراعظم د يو خپلواكه رياست فلسطين د كوم پايه تخت چې القدس الشريف وي ،جوړولو لپاره د پاکستان د مرستې پخلے وكړو۔ وزيراعظم د اسلامو فوبيا زياتې شوې چبې او په نړۍ كښې د مسلمانانو په ضد د امتيازي سلوك مخنيوي په حاجت زور راوړو۔ده د كال 26۔2025 لپاره د ملګرو ملتونو سلامتي کونسل غير مستقل غړي په توګه نړيوال امن او سلامتيا لپاره فعال کردار ترسره كولو له د پاکستان د عزم پخلے وكړو۔ دغسې سيکرټري جنرل انتونيو ګوتيرېس ملګرو ملتونو كښې د پاکستان فعاله شموليت سره سره د ملګرو ملتونو امن مشن كښې ګډون او نړيوال امن او سلامتيا لپاره د پاکستان په کردار د وزيراعظم مننه وكړه
