اسلام آباد 23 ستمبر (اے پي پي) د سېنېټ چيئرمېن سيد يوسف رضا ګېلاني وئيلي دي بايد په اسلامي ټولنه كښې امن او امان لپاره اسلامي سكالرز د سيرت النبيۖ په رڼا كښې پراخه مكالمه پېل كړي۔ ده دا خبره وړومبي درې ورځني نړيوال سيرتۖ فېسټول ته خپلې وېنا كښې وكړه د كوم تابيا چې نېشنل رحمت اللعالمين و خاتم النبيينۖ اتھارټي (اېن آر كے اېن اے) كړے ٬ كنفرنس كښې د تعليم وفاقي وزارت له مخې كار كوٶنكو نورو ادارو سره سره نيشنل بك فاٶنډيشن هم مهم كردار لوبولے ۔ د كنفرنس اختتامي غونډه كښې د سېنېټ چيئرمېن يوسف رضا ګېلاني په خاص توګه ګډون وكړو ۔ په نېشنل سكلز يونيورسټي اسلام آباد كښې په نړيوال امن د “سيرت رسولۖ په رهنمائۍ” سرخط كنفرنس ته خپلې وېنا كښې چيئرمېن ووئيل په سيرت رسولۖ عمل كولو سره مونږ ژوندۍ ٬ فعاله او بېداره ټولنه جوړولې شو۔ په دې موقع د رحمت اللعالمين اتھارټۍ چيئرمېن خورشيد نديم ووئيل د رسول اللهۖ شخصيت سره د تړون د لارې مونږ په ګډه د فرقه واريت څخه بچ كېدې شو۔ په دې موقع خورشيد نديم ووئيل د اسلاموفوبيا او توهين آميز پېښو د علمي محاسبې ضرورت دے۔ كفنرنس ته د تعليم وفاقي سېكرټري محي الدين احمد واني ٬ د روضه امام حسېن عراق سنټر فارپيس بلډنګ نائب صدر شېخ احمد السامرائي، مراكش څخه فتيحه و بيدار، برتانيه څخه د طحه قرېشي پشمول د رحمت اللعالمين اتھارټي ډائريكټر جنرل ظفر محمود ملك،ډاكټر ياض محمود، د نيشنل سكلز يونيورسټۍ وائس چانسلر ډاكټر مختار احمد ، نوموړي خبريال او اور اينكر پرسن سبوخ سيد هم وېنا وكړه۔ د كنفرنس په مهال د كتاب مېلې اهتمام هم شوے چې پكښې د پبلشنګ ادارو او د بك سيلرز لخوا په رعايتي بيعه د كتابونو سټالونه لګولي شوي دي
