اسلام آباد۔4اکتوبر(اے پی پی) داخله وزارت په اسلام آباد كښې د پوځ د تعيناتۍ نوټيفكېشن جاري كړو ، 5 اکتوبر څخه تر 17 اکتوبر به په اسلام آباد كښې امنيت لپاره پوځ تعينات وي۔ د داخله وزارت لخوا د جاري شوي نوټيفكېشن له مخې د اېس سي او كنفرنس په مهال د امنيت په لړ كښې اسلام آباد كښې پوځ تعينات كړې شوې دې۔ د پوځ تعيناتي د آرټيكل 245 لاندې شوې ده۔ په نوټیفکېشن كښې وئيلې شوي دي چې په اسلام آباد كښې به 5 څخه تر 17 اكتوبر پوځ تعينات وي ٬ د اسلام آباد د امنيت ذمه واري به پوځ ته سپارلې شي او د پوليس په شمول نورې ادارې به د پوځ مرسته كوي۔ دا خبره دې ښكاره وي چې د شنګھائي مرستې تنظيم سرمشريزه غونډه په 15 او 16 اکتوبر اسلام آباد كښې كيږي په كومه كښی به چې د هند په شمول يو شمېر هېوادونو مشران او استازي ګډون كوي۔
