اسلام آباد 08 اكتوبر(اے پي پي) د سېنېټ چيئرمېن سيد يوسف رضا ګيلاني وئيلي د 8 اكتوبر 2005 زلزله قام لپاره يو آزمائش ؤ او قام د دغه آزمائش په وخت چې د كوم يووالي مظاهره كړې مثال نه لري۔ د نهې په ورځ د سېنېټ سېكرټرېټ د اړخه د جاري شوې بيان له مخې د 8 اكتوبر زلزلې كاليزې په موقع په خپل پيغام كښې ده ووئيل د دې زلزلې د تباه كاريو او د هغې په نتيجه كښې شهيد شوي نن هم مونږ ته ياد دي۔ د سېنېټ چيئرمېن ووئيل ټول قام د 8 اكتوبر قدرتي آفت په مهال د غمجنو كورنيو په غم كښې شريك دے۔ د سېنېټ چيئرمېن سيد يوسف رضا ګيلاني ووئيل د 8 اكتوبر زلزلې په مهال ټول قام د خپل مصيبت ځپليو وروڼو سره د مضبوط دېوال په څير ولاړ ؤ۔ ده ووئيل دې بې مثاله قامي اتحاد او يووالي ځپلې شويو كسانو له په خپلو پښو د اودرېدو يوه نوي حوصله او عزم وركړو۔ ده ووئيل د دې قدرتي آفت په مهال د آزاد كشمير او شمالي سيمو 80 زره څخه زيات كسان ځپلې شوي دغسې يو شمير بے كوره شوي او شهيدان شوي۔ سيد يوسف رضا ګيلاني ووئيل د ځپليو بحالي يو مشكل كار ؤ خو د قامي اتحاد او يووالي او ملګرو هېوادونو په مرسته د بحالۍ كار ممكن شوے۔ د سېنېټ چيئرمېن ووئيل نن هم قام د 8 اكتوبر له زلزلې وروستو رامخې ته شوي يووالي ته اړتيا لري۔ ده ووئيل ټول قام چې په كوم ډول د زلزلې په څير د لوے آفت په ښه ډول مقابله كړې، هغسې اوس هم خپلو كښې اختلافات هېرولو سره هېواد ته د پېښو چېلنجونو مقابلې كولو ته اړتيا ده۔ د سېنېټ چيئرمېن سيد يوسف رضا ګيلاني دعا اوكړه چې لوے څښتن دے د 8 اكتوبر 2005 زلزلې شهيدانو له لوړې درجې وركړي او هېواد دې په سباؤن كښې له جمله آفتونو څخه محفوظ وساتي۔
