اسلام آباد۔5فروری(اے پی پی) د اطلاعاتو ٬ خپرونو او پارليماني چارو نګران و فاقي وزير مرتضی سولنګي د ټولټاكنو 2024ء كورېج كوؤنكو ځايي او نړيوالو خبريالانو او ميډيا پرسنز آسانۍ له د ميډيا هېلپ لائن پرانسته وكړه۔ د ګل په ورځ په پرېس انفارمېشن ډیپارټمنټ كښې د میډیا هېلپ لائن پرانستې دستورې ته خطاب كښې د اطلاعاتو او خپرونو نګران وفاقي وزير ووئيل په 8 فروري ټولټاكنې كول اولس سره زمونږ لوظ وو٬ 17 اګست 2023ء څخه وروستو نګران حكومت د خپلو نورو ذمه وارو ترسره كولو سره سره د سپېځلو او بې پرې ټاكنو كولو كښې د ټاكنو كمېشن هر ډول مرسته وكړه۔ ده ووئيل په ټاكنو كښې دوه ورځې پاتې دي٬ پاكستان يو سياسي جمهوري تاريخ لري٬ په پاكستان كښې اولنۍ ټولټاكنې په 7 فروري 1970 كښې شوې وې او د ټاكنو دا عمل د دغې لړۍ يوه كړۍ ده۔ ده ووئيل د هېواد د آئين په مقدمه كښې ليكلي شوي دي چې دا هېواد به د دې ټاكلې شوي استازي چلوي او مونږ دې پلو روان يؤ۔ ده ووئيل د پاكستان 12 كروړه څخه زيات وګړي به د فرورۍ په 8 مه نېټه د ووټ حق كارولو سره خپل استازي وټاكي۔ ده ووئيل د ډيجيټل ميډيا په روان دور كښې به مونږ له خپلې د كار طريقې عصري جوړول او اپ ګرېډ كول وي۔ ده ووئيل میډیا هېلپ لائن پلېټ فارم كوم چې د انټرنېټ آساني لري ته رسنه به د كوم هم موبائل ٬ ټېبلټ ٬ كمپيوټر ډيوائس براؤزر د لارې ممكنه وي۔ دې څخه وړاندې دستورې ته خپل خطاب كښې پرنسپل انفارمېشن آفیسر ډاکټر طارق محمود ووئيل چې د ميډيا هېلپ لائن د لارې خبريالانو او مبصرينو ته يو آن لائن پلېټ فارم ترلاسه شوېدې چرته چې هغوي خپل شكايت درج كولې شي۔ ده ووئيل میډیا هېلپ لائن سره د داخله وزارت ٬ پوليس ٬ انتظاميه ٬ الېكشن كمېشن ٬ پېمرا ٬ پرېس انفارمېشن ډيپارټمنټ ٬ اېكسټرنل پبلسټي ونګ او د پي آئي ډي صوبائي دفترونو په شمول نورې اروندې څانګې تړلې شوې دي۔ د دې پلېټ فارم مقصد د پېښو مسئلو په حل كولو كښې مرسته كول دي۔ ده ووئيل په 7 فروری به د الېكشن حوالې سره په پي آئي ډي كښې د ميډيا سېل پرانسته وكړې شي۔ ده ووئيل په نورو صوبو كښې به هم د پي آئي ډي په دفترونو كښې الېكشن سېلز جوړولې شي۔ د اطلاعاتو وزارت چارواكو په دې موقعه ووئيل د شكاياتو فوري ازالې لپاره ګامونه پورته كړې شوي دي ،ضابطه اخلاق سره د اړوندو شكايتونو ازاله به ډېر زر وكړې شي۔
