اسلام آباد 01 اکتوبر (اے پي پي) د كشمير او ګلګت بلتستان چارو او د سېفران وفاقي وزير انجينئر امير مقام سره د آل پاکستان مائننګ اينډ انډسټريل ايسوسي ايشن پلاوي د نهې په ورځ ليدلي دي ۔ د كشمير چارو وزارت لخوا د جاري بيان له مخې پلاوي سره په خبرو كښې وفاقي وزير انجينئر امير مقام ووئيل زما د هلو ځلو په نتيجه كښې د ضم شوو ضلعو او مالاكنډ ډويژن لپاره د يو كال ټېكس استثنيٰ وركړې شوې٬ ده هيله ولرله چې دا اقدام به په سيمه كښې كاروباري هلو ځلو ته وده وركولو له ګټور ثابت شي۔ په دې موقع پلاوي وفاقي وزير د خپلو مسئلو نه خبر كړو او وفاقي وزير انجينئر امير مقام پلاوي ته باور وركړو چې د دوي مسئلې به اړوندو چارواكو ته رسولې شي۔ په پلاوي كښې د آل پاکستان مائننګ اينډ انډسټريل ايسوسي ايشن چيئرمين شاہ خالد صافي، حاجي همت شاہ، ملک سلطان، حاجي روزي ګل، حاجي عباد ګل، شکيل مومند او فضل ربي صافي شامل وو۔ د ملاقات په پائې كښې پلاوي د وفاقي وزير مننه وكړه
