اسلام آباد 01 اکتوبر (اے پي پي) خارجه سېکتر آمنه بلوچ د پاکستان آثار قديمه او د تهذيبي ورثې تحفظ او دې ته د لا ودې وركولو په ضرورت زور راوړلو سره وئيلي دي چې د هېواد بشپړه او ګڼ اړخيزه تاريخي او تهذهبي ميراث د وياړ وړ دے۔ د دې خيالاتو څرګندونه دې د انسټي ټيوټ آف ستراتېژك سټديز (آئي اېس اېس آئي) تر سېوري لاندې د ”پاکستان آثار قديمه او تهذيبي ورثه” په موضوع نړيوال كنفرنس ته خپله وېنا كښې وكړه٬ کنفرنس كښې سفيرانو، كلتوري او د تعليم پوهانو ګډون وكړې۔ اختتامي سيشن ته د وېنا په مهال خارجه سېکترې آمنه بلوچ ووئيل د هېواد بشپړه او ګڼ اړخيزه تاريخي او تهذيبي ميراث د وياړ وړ دے ٬ د سندھ وادۍ اود ګندھارا پخوانيو تهذيبونو په پاکستان كښې وده كړې۔ دې د آثار قديمه او تهذيبي ورثې د تحفظ په اهميت زور راوړلو سره ووئيل په دې پخوانو كلتورونو كښې جدت، لچک او يو بل سره په سولييز ډول د پاتې كېدو قدرونه نن هم موجود دي۔
