اسلام آباد 09 اکتوبر (اے پي پي) وزيراعظم شهباز شريف د بلوچستان په ضلع ژوب كښې د فرنټيئر کور په پوسته د ترهګرو د بريد په ناكامه كولو امنيتي ځواكونو ته پېرزوئنې وړاندې كولو سره وئيلي دي چې د ترهګرو تر بشپړه خاتمې به د ترهګرو په ضد جنګ دوام دار وي۔ د شورو په ورځ د وزيراعظم آفس پرېس ونګ لخوا د جاري بيان له مخې وزيراعظم په بريد كښې د دوه ترهګرو په وژلو د امنيتي ځواكونو ستائنه وكړه٬ وزيراعظم د ترهګرو په بريد كښې د حوالدار جمشېد خان په شهادت د افسوس څرګندونه كولو سره د شهيد لوړو درجو لپاره دعا او غمژنې كورنۍ سره د يوالي څرګندونه وكړه۔ وزيراعظم شهباز شريف ووئيل زمونږ د امنيتي ځواكونو ځوانان د ترهګرو په ضد لكه د غره ولاړ دي٬ د شهيدانو قربانۍ به بې ځايه نه ځي۔ ده ووئيل د ترهګرو تر بشپړه خاتمې به د ترهګرو په ضد جنګ دوام دار وي
