پېنډۍ ۔24 اکتوبر(اے پی پی) د پاك پوځ سرلښكر جنرل عاصم منېر د کثیر القومي مشق انډس شیلډ 2024 ننداره وكړه٬ ده د پاك هوائي پوځ په جنګي تياريانو د اطمينان څرګندونه وكړه۔ د آئي اېس پي آر له مخې د کثیر القومی مشق انډس 2024 نندارې لپاره د رارسېدو په موقع چیف آف ائیر اسټاف، ائیر چیف مارشل ظهیر احمد بابر د پاك پوځ سرلښكر عاصم منېر ته هركلے اووې٬ په دې موقع د پاك بحريه مشر اېډمرل نوید اشرف هم موجود ؤ۔ د پاك پوځ سرلښكر د مشقونو د آپرېشنز او د ټېكنالوجيز د ډسپلے ننداره وكړه۔ د مشقونه د امنيتي چېلنجونو له مخې كولو له د پاك هوائي ځواك د هڅو په اړه بريفنګ هم وركړے شو۔ د پوځ سرلښكر ائیر کریو سره خبرې هم وكړې۔ د پاك پوځ سرلښكر جنرل عاصم منېر د فضائي پولو ساتنې له د پي اے اېف د اهلكارو عزم وستائېلو۔ ده د اپ ګرېډېشن د بېلو پروګرامونو د لارې په پېشرفت د اطمينان څرګندونه كولو سره د انټر سروسز په مهم كردار زور راوړو۔ په دې موقع د پاك هوائي پوځ مشر په دوره كولو د پاك پوځ د سرلښكر مننه كولو سره ووئيل د پاك پوځ د سرلښكر دوره په ټرېننګ او آپرېشنل څانګه كښې د پاك پوځ او ايئر فورس ترمينځه د همكارۍ زياتولو عزم لا قوي كوي۔ د ائیرچیف مارشل ظهیر احمد بابر وېنا وه چې مشق انډس شیلډ به د ګډون كوؤنكو هېوادونو ترمينځه همكارۍ زياتولو كښې مهم كردار ترسره كړي۔ دا مشق به په جنګي چېلنجونو قابو موندلو كښې د فضائي او زمكيزې عملې تربيې كولو له مرستياله وګرځي۔ مشق انډس شیلډ 2024 د منطقې تر ټولو لويې کثیر القومی مشق دے، مشق انډس شیلډ 24 كښې فضائي ځواكونه برخه اخلي۔
