پېرس ۔30 ستمبر(اے پی پی) په فرانس كښې د پاكستان سفير عاصم افتخار احمد په رنګا رنګ پاکستان فیسټول كښې د ویلیئرز لی بېل میئر جیډا ټیکټاچ او د ویل ډی اویس پارلماني غړي کارلوس مارټنز بلونګ سره يو ځاے ګډون وكړو۔ په فیسټول كښې د پاكستاني كميونټۍ ګڼ شمېر غړي هم موجود وو۔ د پېرس په مضافتي سيمه ویلیئرز لی بیل كښې شوې دې رنګا رنګ پاكستان فيسټول كښې د پاكستاني كلتور زړه راكښونكې مظاهر او روايتي خوراكونه وړاندې كړې شول د كومو چې ګډون كوؤنكو زياته ستائنه وكړه او په دې كښې يۍ خوښي ښكاره كړه۔ په مېله كښې پاكستاني فېمليز ٬ فرانسيسي او نورو وګړو زيات شمېر كښې ګډون وكړو۔ په دې موقعه پاكستاني سفير عاصم افتخار احمد فرانسیسی ټولنې او د دواړو هېوادونو ترمينځه غوره اړيكو لپاره په فرانس كښې د مېشته پاكستاني كميونټي د قدر وړ خذمات وستائل۔ دوئي مېله د يو والي او تنوع يو په زړه پورې څرګندونه وګرځوله۔
