اسلام آباد۔4اکتوبر(اے پی پی) په ګرد هېواد كښې په 7 اكتوبر په غزه او فلسطين كښې د اسرائيلي ظلم او زياتي سره مخ تش لاسې مسلمانانو سره د يو والي څرګندونې او د وزيراعظم شهباز شريف په كوربتوب كښې آل پارټيز كنفرنس رابللو پريكړه شوې ده۔ د جمعې په ورځ د وزيراعظم آفس پرېس ونګ لخوا د جاري شوي بيان له مخې وزيراعظم شهباز شريف سره د بلاول بھټو زرداري او د جماعت اسلامي پاكستان حافظ نعيم الرحمن په مشرۍ كښې پلاوي وزيراعظم هاؤس كښې ملاقات وكړو۔ په ملاقات كښې د موجوده سياسي ګوندونو غزه او فلسطيني وګړو سره په قامي كچه د يو والي څرګندونې كولو پرېكړه وكړې شوه۔ په ملاقات كښې په غزه او فلسطين كښې په تش لاسې فلسطيني وګړو د روان ظلم او زياتي په ضد او د فلسطيني ورونړو خوېندو په حق كښې غږ پورته كولو له د وزيراعظم په كوربتوب كښې د آل پارټيز كنفرنس رابللو پرېكړه وكړې شوه۔ په ملاقات كښې په 7 اكتوبر په غزه او فلسطين كښې د اسرائيلي ظلم او زياتي سره مخ مسلمانانو سره د يو والي څرګندونې كولو له د يو والي ورځ لمانځلو پرېكړه هم وكړې شوه۔ په دې موقعه كشميري سره د يو والې ورځې او آل پارټيز كنفرنس لپاره د كمېټۍ جوړولو منظوري وركړې شوه۔ په كمېټۍ كښې به نائب وزیر اعظم او وزیر خارجه اسحاق ډار، شیری رحمن، خواجه سعد رفیق او نیئر بخاری شامل وي۔ په ملاقات كښې په دې خبره اتفاق وشو چې په 7 اکتوبر به په ګرد پاكستان كښې فلسطيني خوېندو ورونړو سره د د يو والي څرګندونې او په دوئي د روان اسرائيلي ظلم او زياتي په ضد غږ پورته كولو له سيمينارونه كولې شي۔ په آل پارټیز کنفرنس كښی به صدر مملكت آصف علي زرداري او وزيراعظم شهباز شريف ګډون كوي۔ بلاول بھټو زرداری د يو والي ورځ لمانځلو ملاتړ كولو پخلې وكړو۔ په ملاقات كښې د جماعت اسلامي امير او پلاوي د ملګرو ملتونو عمومي اسمبلۍ ته خپل خطاب كښې په فلسطيني وګرو د روانو اسرائيلي ظلمونو په ضد د غږ پورته كولو او د اسرائيلي وزيراعظم د تقرير په پېل كښې د وزرياعظم په مشرۍ كښې د پاكستاني پلاوي د واك آؤټ ستائنه وكړه۔
