اسلام آباد 02 اکتوبر (اے پي پي) پاکستان په مېنځني ختيز كښې په زيات شوي مخاصمانه صورتحال د اندېښنې څرګندونه كولو سره په ټولو ډلو زور راوړے چې ھغوي امن ته پام لرنه وكړي۔ د خارجه دفتر وياندې لخوا د جاري بيان له مخې اسرائیل په دې وروستيو مياشتو كښې د نړيوال قانون او د ملګرو ملتونو د چارټر خلاف ورزۍ كړي چې په نتيجه كښې ئې دا سنګين انساني بحران راپېدا شوے دے۔ وياندې ووئيل د اسرائیل لخوا په غزہ كښې روانې نسل کشۍ سره سيمه ايز امن او سلامتيا خطر سره مخ ده، په لبنان بريد په اړي ګړي كښې شدت راپېدا كړے چې ورسره د بې ګناه وګړو ژوند ځپلے كېږي٬ فلسطین، لبنان او د پراخه منطقې خلق د يرې او تشدد نه د آزاد ژوند كولو مستحق دي۔ بیان كښې زياته كړې شوه چې ټولو ډلو لپاره دا ډېره ضروري ده چې ھغوي پشا لاړ شي او نړيوالې ورورولۍ له د صورتحال بهتر كولو لپاره په تندۍ سره كاروائۍ پكار ده ۔ وياندې ووئيل د نړيوال قوانين د ځېنې ډلو لخوا په جار د خلاف ورزۍ كلتور لاره نيولو پلو پام لرنه پكار ده۔ وياندې ووئيل پاكستان سلامتي كونسل څخه په منطقه كښې امن او سلامتيا برقرار ساتلو٬ د لبنان د خپلواكۍ تحفظ او په غزه كښې د روان بشري بحران خاتمې لپاره د خپلې مطالبې پخلے كوي ۔ وياندې ووئيل پاکستان د نړيوال قانون ٬ د ملګرو ملتونو او د او آئي سي د اړوندو قراردادونو له مخې د فلسطین مسئله په سپېځلې ډول او جامع حل له مېنځني ختيز كښې تل پاتي امن له د دوه رياستي حل پرله پسې وكالات كړے دے
